Begin typing your search above and press return to search.
మోదీసారు.. మీ ముచ్చట్లు ఆపండి.. మా గోడు వినండి
By: Tupaki Desk | 27 Dec 2020 10:45 AM GMT
ప్రజలకు నేరుగా తన సందేశాన్ని ఇచ్చేందుకు ప్రధాన మంత్రి నరేంద్ర మోదీ ‘మన్ కీ బాత్’ రేడియో కార్యక్రమం నిర్వహిస్తున్న సంగతి తెలిసిందే. ఇప్పటి వరకూ 71సార్లు మాట్లాడిన ప్రధాని.. డిసెంబర్ 27న 72వ దఫా మాట్లాడారు. అయితే.. ఈ కార్యక్రమానికి రైతులు, నెటిజన్ల నుంచి తీవ్రస్థాయిలో నిరసన వ్యక్తమైంది. ‘ఇన్నాళ్లూ రేడియోలో మీరు చెప్తున్నదంతా వినీ వినీ అలసిపోయాం. ఇక చాలు ఆపండి. ముందు మా గోడు వినండి’ అని రైతులు విమర్శిస్తున్నారు. ఢిల్లీ సరిహద్దుల్లోని సింఘు బోర్డర్‌, ఫరీద్‌కోట్‌, రోహ్‌తక్‌ ప్రాంతాల్లో ప్లేట్లు, డబ్బాలు మోగించి నిరసన తెలిపారు.
ఇక ట్విటర్‌లోనూ ‘మోదీ బక్వాస్ బంద్ కరో’ (మోదీ వ్యర్థ ప్రేలాపణ ఆపండి) అంటూ కామెంట్ల వర్షం కురిపిస్తున్నారు నెటిజన్లు. ఆదివారం మోదీ మన్ కీ బాత్ కార్యక్రమం ప్రారంభం కాగానే ఈ హ్యాష్‌ట్యాగ్ భారత్‌లో ట్రెండింగ్‌లోకి వచ్చింది. ‘ప్రధాని మోదీ గారు. మన్ కీ బాత్ కాదు, నెల రోజులకు పైగా రైతులు చేస్తున్న నిరవధిక నిరసనలపై మాట్లాడండి’ అని డిమాండ్‌ చేస్తున్నారు. ‘ప్రజలు చెప్పే విషయాన్ని మోదీ వినరు.. కానీ ఆయన మన్ కీ బాత్ అందరూ వినాలి’ అంటూ మరో నెటిజెన్ రాసుకొచ్చారు. మరోవైపు బీజేపీ అధికారిక యూట్యూబ్ ఛానల్‌లో మోదీ మన్ కీ బాత్ వీడియోపై డిస్‌లైక్‌ల పరంపర మళ్లీ కొనసాగింది. ఆ వీడియోకు వచ్చిన లైక్‌ల కంటే ఎక్కువ సంఖ్యలో డిస్‌లైకులు వస్తున్నాయి.
మోదీ మాటలు వినిపించకుండా చేయండి..
వ్యవసాయ బిల్లులపై రైతుల నిరసన నేపథ్యంలో గత ఆదివారం స్వరాజ్‌ ఇండియా చీఫ్‌ యోగేంద్ర యాదవ్ ప్లేట్లు, డబ్బాలు మోగించి నిరసన తెలపాలని రైతులకు పిలుపునిచ్చారు. ‘మన గోడు వినని ప్రధాని మాటల్ని వినాల్సిన అవసరం లేదు. మోదీ మన్ కీ బాత్ కార్యక్రమాన్ని రైతులెవరూ పట్టించుకోవద్దు. దానికి నిరసనగా పల్లాలు మోగించండి’ అని యోగేంద్ర సూచించారు.
కరోనా లాక్‌డౌన్‌ మొదలైన సమయంలో ఆరోగ్య రంగంలో ఫ్రంట్‌ లైన్‌ వారియర్స్‌ సేవల గౌరవార్థం ప్రజలు చప్పట్లు కొట్టాలని ప్రధాని మోదీ పిలుపునిచ్చిన సంగతి తెలిసిందే. మరోవైపు రైతుల సంఘాల నేతలతో కేంద్రం ఐదు సార్లు జరిపిన చర్చలు విఫలం కాగా సుప్రీం కోర్టు జోక్యం చేసుకుంది. వారి సమస్యల పరిష్కారానికి ఒక కమిటీ వేయాలని ఆదేశించింది.
ఇక ట్విటర్‌లోనూ ‘మోదీ బక్వాస్ బంద్ కరో’ (మోదీ వ్యర్థ ప్రేలాపణ ఆపండి) అంటూ కామెంట్ల వర్షం కురిపిస్తున్నారు నెటిజన్లు. ఆదివారం మోదీ మన్ కీ బాత్ కార్యక్రమం ప్రారంభం కాగానే ఈ హ్యాష్‌ట్యాగ్ భారత్‌లో ట్రెండింగ్‌లోకి వచ్చింది. ‘ప్రధాని మోదీ గారు. మన్ కీ బాత్ కాదు, నెల రోజులకు పైగా రైతులు చేస్తున్న నిరవధిక నిరసనలపై మాట్లాడండి’ అని డిమాండ్‌ చేస్తున్నారు. ‘ప్రజలు చెప్పే విషయాన్ని మోదీ వినరు.. కానీ ఆయన మన్ కీ బాత్ అందరూ వినాలి’ అంటూ మరో నెటిజెన్ రాసుకొచ్చారు. మరోవైపు బీజేపీ అధికారిక యూట్యూబ్ ఛానల్‌లో మోదీ మన్ కీ బాత్ వీడియోపై డిస్‌లైక్‌ల పరంపర మళ్లీ కొనసాగింది. ఆ వీడియోకు వచ్చిన లైక్‌ల కంటే ఎక్కువ సంఖ్యలో డిస్‌లైకులు వస్తున్నాయి.
మోదీ మాటలు వినిపించకుండా చేయండి..
వ్యవసాయ బిల్లులపై రైతుల నిరసన నేపథ్యంలో గత ఆదివారం స్వరాజ్‌ ఇండియా చీఫ్‌ యోగేంద్ర యాదవ్ ప్లేట్లు, డబ్బాలు మోగించి నిరసన తెలపాలని రైతులకు పిలుపునిచ్చారు. ‘మన గోడు వినని ప్రధాని మాటల్ని వినాల్సిన అవసరం లేదు. మోదీ మన్ కీ బాత్ కార్యక్రమాన్ని రైతులెవరూ పట్టించుకోవద్దు. దానికి నిరసనగా పల్లాలు మోగించండి’ అని యోగేంద్ర సూచించారు.
కరోనా లాక్‌డౌన్‌ మొదలైన సమయంలో ఆరోగ్య రంగంలో ఫ్రంట్‌ లైన్‌ వారియర్స్‌ సేవల గౌరవార్థం ప్రజలు చప్పట్లు కొట్టాలని ప్రధాని మోదీ పిలుపునిచ్చిన సంగతి తెలిసిందే. మరోవైపు రైతుల సంఘాల నేతలతో కేంద్రం ఐదు సార్లు జరిపిన చర్చలు విఫలం కాగా సుప్రీం కోర్టు జోక్యం చేసుకుంది. వారి సమస్యల పరిష్కారానికి ఒక కమిటీ వేయాలని ఆదేశించింది.
