డ్రగ్స్ కేసు: షారుఖ్ ఖాన్, అనన్యపాండే ఇళ్లపై ఎన్సీబీ దాడులు

ముంబై డ్రగ్స్ కేసులో మరో సంచలనం నమోదైంది. ఇప్పటికే షారుఖ్ కొడుకు ఆర్యన్ ఖాన్ క్రూయిజ్ షిప్ లో డ్రగ్స్ పార్టీ కేసులో పీకల్లోతు కూరుకుపోగా.. ఆ కేసులో తాజాగా అతడితో చాట్ చేసినందుకు అనన్య పాండే కూడా బుక్ అయినట్టుగా తెలుస్తోంది. తాజాగా ఎన్సీబీ అధికారులు అనన్యపాండే, షారుఖ్ ఖాన్ ఇళ్లపై దాడులు చేయడం సంచలనమైంది.

డ్రగ్స్ కేసు విచారణలో భాగంగా అనన్య పాండే ఇంటిపై నార్కోటిక్ కంట్రోల్ బ్యూరో అధికారులు దాడి చేశారు. డ్రగ్స్ కేసు విచారణ కోసం ఆమె ఇంట్లో సోదాలు చేశారు. ఆర్యన్ ఖాన్ డ్రగ్స్ చాట్ లో బాలీవుడ్ నటి అనన్యపాండే ఉందన్న వార్తలు వస్తున్నాయి. ఇది ఇంకా ధ్రువీకరించనప్పటికీ ప్రస్తుతం ఎన్సీబీ అధికారులు ఈరోజు మధ్యాహ్నం 2 గంటలకు డ్రగ్స్ కేసులో అనన్యను విచారణకు పిలిచారు.

ఆర్యన్ ఖాన్ తో ఈ డ్రగ్స్ చాట్ లో అనన్యపాండే, సుమానా ఖాన్ పేరు కూడా ఉన్నట్టుగా తెలుస్తోంది. అనన్య ఇంటిపై దాడి చేసిన తర్వాత ఎన్సీబీ అధికారులు షారుఖ్ ఖాన్ ఇంటికి చేరుకున్నారు. అక్కడ సోదాలు చేశారు.

అనన్యపాండే అలనాటి హీరో చుంకీ పాండే కూతురు. ఇప్పుడు బాలీవుడ్ సినిమాల్లో నటిస్తోంది. విజయ్ దేవరకొండతో కలిసి ప్రస్తుతం ‘లైగర్’ మూవీలో నటిస్తోంది. షారుఖ్ ఖాన్ కుమారుడు ఆర్యన్ కు చాలా క్లోజ్ ఫ్రెండ్. ఈమెతోనే ఆర్యన్ డ్రగ్స్ చేసినట్లుగా అనుమానాలు కలుగుతున్నాయి. ఈమేరకు ఎన్సీబీ కోర్టుకు సమర్పించిన చాట్ లో అనన్య ఉందన్న వార్తలు మీడియాలో వినిపిస్తున్నాయి. దీనిపై పూర్తి వివరాలు తెలియాల్సి ఉంది.