Begin typing your search above and press return to search.
నేపాల్ ఎంపీలకు 72 గంటల సమయం ఇచ్చారు
By: Tupaki Desk | 9 Jun 2020 11:30 PM GMT
కొన్ని వారాలుగా ప‌క్క‌నున్న నేపాల్ రెచ్చిపోతుంది. ఎప్పుడు భార‌త ప‌క్షాన ఉండే ఈ చిన్న దేశం ఇప్పుడు భార‌త‌దేశానికే ఝ‌ళ‌క్‌లు ఇస్తోంది. చైనా అండ చూసుకుని ఈ దేశం ఇష్టారీతిన వ్య‌వ‌హారిస్తోంది. తాజాగా నేపాల్ దుస్సాహ‌సం చేసింది. భార‌త్‌లోని లింపియాదుర, లిపులేఖ్, కాలాపానీ భూభాగాలను త‌మ దేశానికి చెందిన‌వ‌ని పేర్కొంటూ కొత్త‌గా పొలిటికల్ మ్యాప్‌ను రూపొందించింది. ఆ మ్యాప్ రూపొందించి ఇప్పుడు ఏకంగా పార్లమెంట్ ఆమోదం కోసం బిల్లు కూడా సిద్ధం చేసింది.
కొత్త‌గా రూపొందించిన మ్యాప్ కోసం పార్లమెంట్ ఆమోదించాలంటే రాజ్యాంగ సవరణ తప్పనిసరిగా చేయాలి. కొత్త నేషనల్ ఎంబ్లమ్‌లోని నూతన మ్యాప్ కి అనుగుణంగా నేపాలీ రాజ్యాంగంలోని 3 వ అధికరణాన్ని సవరించేందుకు ఉద్దేశించిన బిల్లును ప్రతినిధుల సభ మంగళవారం తీసుకువ‌చ్చింది. ఎగువ సభ లేదా నేషనల్ అసెంబ్లీ కూడా ఈ బిల్లును ప్ర‌వేశ పెట్టాలి. ఈ బిల్లులు ఆమోదం పొందితే భార‌త్‌లోని భూభాగాలు అధికారికంగా త‌మ దేశంలోకి తీసుకున్న‌ట్లు భావిస్తోంది. అయితే ఈ రాజ్యాంగ సవరణపై స్పందించేందుకు నేపాల్ ఎంపీలకు 72 గంటల సమయం ఇచ్చారు. ఎంపీల స్పందనను బట్టి ఇది ఆమోదం పొందినట్టు ప్రకటిస్తారు.
నాలుగైదు రోజుల్లో దీన్ని ఆమోదిస్తే.. ఇదే ప్రొసీజర్‌ని నేషనల్ అసెంబ్లీ కూడా పాటిస్తుంది. ఈ విష‌యంపై నేపాల్ కమ్యూనిస్ట్ పార్టీ సెంట్రల్ కమిటీ సభ్యుడు బిష్ణు రిజాల్ ట్విట‌ర్‌లో స్పందించారు. త‌మ దేశ భూభాగాలను తాము వదులుకునే ప్రసక్తి లేదని నేపాల్ ప్రధానమంత్రి కె.పి.శర్మ ఓలి ఇదివరకే ప్రకటించారని గుర్తుచేశారు. ఈ బిల్లును ఆమోదించుకుంటామ‌ని ధీమా వ్య‌క్తం చేశారు. అయితే ఆ దేశంలో ఈ మ్యాప్ రూపొందించ‌డ‌మే కాకుండా ఏకంగా ఆమోదం కూడా చేయ‌నున్నారు. ఇంత జ‌రుగుతున్నా భార‌త‌దేశం స్పందించ‌డం లేదు. నేపాల్ విషయం పై ఎటూ తేల్చ‌డం లేదు.
కొత్త‌గా రూపొందించిన మ్యాప్ కోసం పార్లమెంట్ ఆమోదించాలంటే రాజ్యాంగ సవరణ తప్పనిసరిగా చేయాలి. కొత్త నేషనల్ ఎంబ్లమ్‌లోని నూతన మ్యాప్ కి అనుగుణంగా నేపాలీ రాజ్యాంగంలోని 3 వ అధికరణాన్ని సవరించేందుకు ఉద్దేశించిన బిల్లును ప్రతినిధుల సభ మంగళవారం తీసుకువ‌చ్చింది. ఎగువ సభ లేదా నేషనల్ అసెంబ్లీ కూడా ఈ బిల్లును ప్ర‌వేశ పెట్టాలి. ఈ బిల్లులు ఆమోదం పొందితే భార‌త్‌లోని భూభాగాలు అధికారికంగా త‌మ దేశంలోకి తీసుకున్న‌ట్లు భావిస్తోంది. అయితే ఈ రాజ్యాంగ సవరణపై స్పందించేందుకు నేపాల్ ఎంపీలకు 72 గంటల సమయం ఇచ్చారు. ఎంపీల స్పందనను బట్టి ఇది ఆమోదం పొందినట్టు ప్రకటిస్తారు.
నాలుగైదు రోజుల్లో దీన్ని ఆమోదిస్తే.. ఇదే ప్రొసీజర్‌ని నేషనల్ అసెంబ్లీ కూడా పాటిస్తుంది. ఈ విష‌యంపై నేపాల్ కమ్యూనిస్ట్ పార్టీ సెంట్రల్ కమిటీ సభ్యుడు బిష్ణు రిజాల్ ట్విట‌ర్‌లో స్పందించారు. త‌మ దేశ భూభాగాలను తాము వదులుకునే ప్రసక్తి లేదని నేపాల్ ప్రధానమంత్రి కె.పి.శర్మ ఓలి ఇదివరకే ప్రకటించారని గుర్తుచేశారు. ఈ బిల్లును ఆమోదించుకుంటామ‌ని ధీమా వ్య‌క్తం చేశారు. అయితే ఆ దేశంలో ఈ మ్యాప్ రూపొందించ‌డ‌మే కాకుండా ఏకంగా ఆమోదం కూడా చేయ‌నున్నారు. ఇంత జ‌రుగుతున్నా భార‌త‌దేశం స్పందించ‌డం లేదు. నేపాల్ విషయం పై ఎటూ తేల్చ‌డం లేదు.
