Begin typing your search above and press return to search.
దోవల్ పాక్ పెద్ద‌ల‌తో ర‌హ‌స్య భేటీ నిజ‌మేన‌ట
By: Tupaki Desk | 12 Jan 2018 11:20 AM GMT
ఇరుగుపొరుగున ఉన్న భారత్-పాకిస్తాన్ మధ్య ఒక‌ర‌కంగా ఉద్రిక్త వాతావ‌ర‌ణ నెల‌కొన్న నేప‌థ్యంలో ఓ ర‌హ‌స్య భేటీ వెలుగులోకి వ‌చ్చిన సంగ‌తి తెలిసిందే. గ‌త ఏడాది చివ‌రిలో కుల్‌ భూషణ్ జాదవ్ తో కుటుంబసభ్యుల సమావేశం తర్వాత పాకిస్థాన్ తీరుపై తీవ్ర విమర్శలు వెల్లువెత్తాయి. అయితే ఆ ఘటన జరిగిన రెండురోజులకు.. ప్ర‌ధానమంత్రి న‌రేంద్ర మోడీ న‌మ్మిన‌బంటుగా ఉండే భారత భద్రత సలహాదారు అజిత్ దోవల్ ఓ ర‌హ‌స్య స‌మావేశంలో పాల్గొన్నారు. అది కూడా పాక్ అధికారుల‌తో కావడం విశేసం. అయితే ఈ విష‌యాన్నిపాక్ బ‌య‌ట‌పెట్ట‌డం మ‌రింత ఆస‌క్తిక‌రం. దీనిపై క‌ల‌క‌లం రేగిన నేప‌థ్యంలో....భారత్ - పాకిస్థాన్ భద్రత సలహాదారుల మధ్య చర్చలు జరిగాయని 15 రోజుల తరువాత విదేశాంగ శాఖ ధృవీకరించింది.
డిసెంబర్ 27న థాయ్‌ లాండ్‌ లో పాక్ భద్రత సలహాదారు లెఫ్ట్‌ నెంట్ జనరల్ నాజర్‌ ఖాన్ జంజువా - అజిత్ దోవల్ భేటీ జరిగినట్లు పాకిస్థాన్ కు చెందిన డాన్ పత్రిక వెల్లడించింది. `భారత్ - పాకిస్థాన్ దేశాల జాతీయ భద్రత సలహాదారుల సమావేశం చాలా బాగా జరిగింది. ఈ భేటీ ఉపయోగకరం కూడా. దోవల్ చాలా స్నేహపూర్వకంగా మాట్లాడారు` అని పాక్ ఉన్నతాధికారి ఒకరు వెల్లడించినట్లు ఆ పత్రిక పేర్కొన్నది. అయితే ఈ భేటీపై భారత్ రెండువారాల తర్వాత స్పందించింది. భారత్ - పాక్ జాతీయభద్రతా సలహాదారులు అజిత్ దోవల్ - లెఫ్టినెంట్ జనరల్ నాజర్‌ ఖాన్ జంజువాలా మధ్య థాయ్‌ లాండ్‌ లో చర్చలు జరిగాయని విదేశాంగ ప్రతినిధి రవీశ్‌ కుమార్ తెలిపారు. ఉగ్రవాద నిర్మూలన - సీమాంతర ఉగ్రవాదంపై వారు చర్చలు జరిపారని చెప్పారు. ఓ వైపు ఉగ్రవాద చర్యలకు పాల్పడుతూ - మరోవైపు చర్చలు జరుపడం సాధ్యం కాదని - సీమాంతర ఉగ్రవాదాన్ని నిరోధించాలని భారత్ తేల్చి చెప్పిందని ఆయన తెలిపారు. భారత్-పాక్ ల మధ్య వివిధ స్థాయిల్లో చర్చలు జరుగుతూనే ఉన్నాయన్నారు.అందులో భాగ‌మే ఇదని తెలిపారు.
కాగా, కుల్‌ భూషణ్ జాదవ్ ఘటనకూ ఈ భేటీకి ఎలాంటి సంబంధం లేదని, ముందుగా నిర్ణయించుకున్న మేరకే సమావేశం జరిగిందని పాక్ అధికారులు చెప్పారు. ఇరుదేశాల భద్రతా సలహాదారులు మూడోదేశంలో భేటీ కావడం ఇది మొదటిసారి కాదు. 2015 డిసెంబర్ లో భద్రతాసలహాదారులు - విదేశాంగశాఖ కార్యదర్శులు బ్యాంకాక్‌ లో సమావేశమయ్యారు. అయితే ఆనాటి సమావేశ వివరాలను ఇరుదేశాల ప్రభుత్వాలే బయటకు వెల్లడించాయి. కానీ, తాజా భేటీ వివరాలను మాత్రం భారత్ ఆల‌స్యంగా వెల్లడించింది.
డిసెంబర్ 27న థాయ్‌ లాండ్‌ లో పాక్ భద్రత సలహాదారు లెఫ్ట్‌ నెంట్ జనరల్ నాజర్‌ ఖాన్ జంజువా - అజిత్ దోవల్ భేటీ జరిగినట్లు పాకిస్థాన్ కు చెందిన డాన్ పత్రిక వెల్లడించింది. `భారత్ - పాకిస్థాన్ దేశాల జాతీయ భద్రత సలహాదారుల సమావేశం చాలా బాగా జరిగింది. ఈ భేటీ ఉపయోగకరం కూడా. దోవల్ చాలా స్నేహపూర్వకంగా మాట్లాడారు` అని పాక్ ఉన్నతాధికారి ఒకరు వెల్లడించినట్లు ఆ పత్రిక పేర్కొన్నది. అయితే ఈ భేటీపై భారత్ రెండువారాల తర్వాత స్పందించింది. భారత్ - పాక్ జాతీయభద్రతా సలహాదారులు అజిత్ దోవల్ - లెఫ్టినెంట్ జనరల్ నాజర్‌ ఖాన్ జంజువాలా మధ్య థాయ్‌ లాండ్‌ లో చర్చలు జరిగాయని విదేశాంగ ప్రతినిధి రవీశ్‌ కుమార్ తెలిపారు. ఉగ్రవాద నిర్మూలన - సీమాంతర ఉగ్రవాదంపై వారు చర్చలు జరిపారని చెప్పారు. ఓ వైపు ఉగ్రవాద చర్యలకు పాల్పడుతూ - మరోవైపు చర్చలు జరుపడం సాధ్యం కాదని - సీమాంతర ఉగ్రవాదాన్ని నిరోధించాలని భారత్ తేల్చి చెప్పిందని ఆయన తెలిపారు. భారత్-పాక్ ల మధ్య వివిధ స్థాయిల్లో చర్చలు జరుగుతూనే ఉన్నాయన్నారు.అందులో భాగ‌మే ఇదని తెలిపారు.
కాగా, కుల్‌ భూషణ్ జాదవ్ ఘటనకూ ఈ భేటీకి ఎలాంటి సంబంధం లేదని, ముందుగా నిర్ణయించుకున్న మేరకే సమావేశం జరిగిందని పాక్ అధికారులు చెప్పారు. ఇరుదేశాల భద్రతా సలహాదారులు మూడోదేశంలో భేటీ కావడం ఇది మొదటిసారి కాదు. 2015 డిసెంబర్ లో భద్రతాసలహాదారులు - విదేశాంగశాఖ కార్యదర్శులు బ్యాంకాక్‌ లో సమావేశమయ్యారు. అయితే ఆనాటి సమావేశ వివరాలను ఇరుదేశాల ప్రభుత్వాలే బయటకు వెల్లడించాయి. కానీ, తాజా భేటీ వివరాలను మాత్రం భారత్ ఆల‌స్యంగా వెల్లడించింది.
