హిమాలయాలకు ఎసరు..భారత్ ఆందోళన?

చైనా అణు పరీక్షల గుట్టుపై నిఘా వేయడానికి భారత్-అమెరికా చేసిన రహస్య పని ఇప్పుడు చిక్కులు తెచ్చిపెట్టింది. 1964వ సంవత్సరంలో చైనా అణు పరీక్షలు జరిపి ప్రపంచానికి షాక్ ఇచ్చింది. ఈ చైనా అణుపాఠవం తెలుసుకోవడానికి అమెరికా... భారత్ సహకారం కోరింది. భారత ఐబీ - అమెరికా సీఐఏలు కలిసి రహస్యంగా చైనా శివారులోని హిమాలయాల్లో ఉన్న నందాదేవి పర్వత శ్రేణుల వద్ద నిఘా పెట్టాడానికి ఫ్లుటోనియం క్యాప్సుల్ - ఏంటెనాలు - అణు ఇంధనంతో నడిచే జనరేటర్ ను 1965 జూన్ 23న ఏర్పాటు చేశారు. ఆ తర్వాత అక్టోబర్ లో ఈ పర్వత శ్రేణి వద్దకు వెళ్లి చూడగా వాతావరణం అనుకూలించలేదు. విపరీతమైన మంచుతో అమెరికా-భారత నిపుణులు వెళ్లలేకపోయారు. ఆ తర్వాత నందాదేవి పర్వతానికి వెళ్లి చూడగా.. ఈ రహస్య పరికరాలు లేవు. మంచులో కూరుకుపోయాయి. వాటిని అలాగే వదిలేస్తే అణు విస్ఫోటనం జరిగి చాలా నీరు కలుషితమయ్యే ప్రమాదం ఉంది. ఆ నీరు గంగానదిలో కలిస్తే పెద్ద ఎత్తున ప్రజలు - జంతువులు చనిపోతారు.

1966 - 67లో మరోసారి వెళ్లినా ఈ అణు పరికరాలు లభ్యం కాలేదు. కేవలం 100 ఏళ్లు మాత్రమే ఈ అణు ఇంధనం కరగదు.. ఆ లోపే వాటిని కనిపెట్టాలి. లేకపోతే అణు విస్ఫోటనం అయ్యి కరిగిపోయి పెద్ద ఎత్తున ప్రాణాలు పోయే ప్రమాదం ఉంది. రేడియో ధార్మికత కూడా వెలువడి వినాశనం తప్పదు. ఆ నీరు గంగానదిలో కలిస్తే ఉత్తరాఖండ్ నుంచి పశ్చిమ బెంగాల్ వరకు ఉన్న జలాలు కలుషితమై ప్రాణాలు పోతాయి. రేడియేషన్ బారిన పడే ప్రమాదం ఉంది. దీంతో ఈ పరికరాలు మంచులో ఎక్కడున్నాయనేది మిస్టరీగా మారింది.

ప్లుటోనియం క్యాప్సూల్స్‌ ఒకవేళ కరిగిపోయి రిషి గంగలో కలిస్తే పవిత్ర జలాలన్నీ కలుషితమైపోతాయి. ఆ నీటిని వినియోగిస్తే ఎందరో ప్రాణాలు కోల్పోయే అవకాశం ఉంటుంది. ఉత్తరాఖండ్‌ నుంచి పశ్చిమ బెంగాల్‌ వరకు ఉన్న ప్రజలు రేడియేషన్‌ బారినపడే అవకాశం ఉంది.

స్మోక్‌ సిగ్నల్స్ - హోమ్‌ ఎలోన్‌ వంటి చిత్రాలను నిర్మించిన హాలీవుడ్‌ నిర్మాత స్కాట్‌ రోజెన్‌ ఫెల్ట్‌ ని ఈ సీక్రెట్‌ మిషన్‌ విపరీతంగా ఆకర్షించింది. కెప్టెన్‌ కోహ్లి ఈ ఆపరేషన్‌ పై స్పైస్‌ ఇన్‌ హిమాలయాస్‌ పేరుతో చాలా ఏళ్ల కిందటే ఒక పుస్తకాన్ని రచించారు. ఆ పుస్తకం హక్కుల్ని రోజెన్‌ ఫెల్ట్‌ పదేళ్ల క్రితమే కొనుగోలు చేశారు. కానీ బడ్జెట్‌ సరిపోక ఇప్పటివరకు ఈ ప్రాజెక్టు పట్టాలెక్కలేదు. ఇప్పుడు మలబెర్రి ఫిలిమ్స్ - రోజెన్‌ ఫెల్ట్‌ సంయుక్తంగా 2 కోట్ల డాలర్ల భారీ బడ్జెట్‌ తో ఈ చిత్రాన్ని తెరకెక్కించడానికి ప్రయత్నాలు చేస్తున్నారు. సీక్రెట్‌ ఆపరేషన్‌ లో పాల్గొన్న పలువురిని రోజెన్‌ ఫెల్ట్‌ కలసి వారు చెప్పిన అనుభవాలతో ఆపరేషన్‌ నందాదేవిని తెరకెక్కించనున్నారు. భారత్‌ సిబ్బంది పాత్రల్లో భారతీయులనే తీసుకోనున్నారు. కెప్టెన్‌ కోహ్లి పాత్రకు రణబీర్‌ ను సంప్రదించినట్టు సమాచారం.