Begin typing your search above and press return to search.
వందేళ్ల చరిత్ర .. అప్పుడు స్పానిష్‌ ఫ్లూ .. ఇప్పుడు స్ట్రెయిన్ !
By: Tupaki Desk | 23 Dec 2020 11:40 AM GMT
ప్రస్తుతం బ్రిటన్ పేరు చెప్తేనే ప్రపంచం మొత్తం వణికిపోతోంది. ఆ దేశం నుంచి విమానాల రాకపోకలపై దేశాలు నిషేధం విధిస్తున్నాయి. బ్రిటన్ సరిహద్దులను పొరుగు దేశాలు ఇప్పటికే క్లోజ్ చేశాయి. కరోనా వైరస్‌ కొత్త రకం ...స్ట్రెయిన్ బ్రిటన్ లో విస్తరిస్తుండటమే ఇందుకు కారణం. అదే బ్రిటన్‌లో వందేళ్ల కిందట కోరలు చాచిన ‘స్పానిష్‌ ఫ్లూ’ ఈ సందర్భంగా చరిత్రకారులు, శాస్త్రవేత్తలు గుర్తుచేసుకుంటున్నారు. అప్పట్లో ప్రపంచవ్యాప్తంగా 3 కోట్ల మందిని పొట్టన పెట్టుకున్న ఈ వైరస్‌ మహమ్మారిగా రూపాంతరం చెందింది కూడా బ్రిటన్ లోనే అని చెప్తున్నారు.
మొదటి ప్రపంచ యుద్ధం దాదాపు ముగిసిన కాలంలో యూరప్‌ నుంచి సైనికులు వారివారి దేశాలకు పయనమవుతున్నారు. లండన్‌ కు 190 మైళ్ల దూరంలో ఉన్న పోర్ట్‌ సిటీప్ లై మౌత్‌ నుంచి సైనిక నౌకలు బయల్దేరాయి. 1918 సెప్టెంబర్‌ లో అమెరికాలోని బోస్టన్‌ కు, ఫ్రాన్స్‌ లోని బ్రెస్ట్‌ కు, పశ్చిమ ఆఫ్రికాలోని ఫ్రీటౌన్ కి మూడు నౌకలు వెళ్లాయి. ఇక్కడి నుంచి వెళ్లిన సైనికులు ఒక్కసారిగా తీవ్ర అనారోగ్యం పాలై మృత్యువాత పడ్డారు. ఆ తరువాత ఇతర దేశాలకూ పాకింది. మొదటి ప్రపంచ యుద్ధం ముగిశాక.. 1918 మార్చిలో అమెరికాలోని కాన్సస్‌లో స్పానిష్‌ ఫ్లూ తొలి కేసు నమోదైంది. అక్కడి నుంచి సైన్యం యూరప్‌ వెళ్లగా.. అక్కడా ఈ లక్షణాలు ఎక్కువగా వెలుగు చూశాయి. దీనికి సంబంధించిన పూర్తి వివరాలను స్పెయిన్‌ వెల్లడించటంతో ఫ్లూ లక్షణాలకు ‘స్పానిష్‌ ఫ్లూ’ అని పేరు పెట్టారు.
ఆ తర్వాత అది పూర్తి పరివర్తనతో విజృంభించింది. దాన్నే సెకండ్‌ వేవ్‌గా అప్పట్లో పేర్కొన్నారు. 1918 మార్చిలో తొలికేసు నమోదైన అమెరికాలో 189 మందే చనిపోయారు. కానీ.. యూరప్‌ నుంచి తిరిగి వచ్చిన సైనికులతో సెప్టెంబర్‌లో ప్రబలిన సెకండ్‌ వేవ్ మారణహోమాన్ని సృష్టించింది. యూరప్‌ నుంచి సైనికులతో జూన్‌లో ముంబైకి తొలి నౌక వచ్చింది. వారితోనే స్పానిష్‌ ఫ్లూ మన దేశంలో అడుగుపెట్టింది. ముంబైలో అదే ఏడాది సెప్టెంబర్‌ చివరి వారంలో ఒక్కసారిగా వ్యాధి ప్రబలింది. బ్రిటన్ నుంచి బోస్టన్‌ వెళ్లిన సైనికుల్లో కనిపించిన లక్షణాలే మన దేశంలోనూ కనిపించాయి. స్పానిష్‌ ఫ్లూ తరహాలోనే ప్రబలినా.. కోవిడ్‌ మాత్రం తొలి వేవ్ లోనే విజృంభించింది. రెండో వేవ్ తో పెద్ద ప్రమాదం ఉండదని నిపుణులు చెబుతున్నారు. బ్రిటన్ లో ప్రబలుతున్న కొత్త రకం కరోనా మనపై ఎంత ప్రభావం చూపుతుందన్న విషయంలో ఇంకా స్పష్టత రాలేదు.
మొదటి ప్రపంచ యుద్ధం దాదాపు ముగిసిన కాలంలో యూరప్‌ నుంచి సైనికులు వారివారి దేశాలకు పయనమవుతున్నారు. లండన్‌ కు 190 మైళ్ల దూరంలో ఉన్న పోర్ట్‌ సిటీప్ లై మౌత్‌ నుంచి సైనిక నౌకలు బయల్దేరాయి. 1918 సెప్టెంబర్‌ లో అమెరికాలోని బోస్టన్‌ కు, ఫ్రాన్స్‌ లోని బ్రెస్ట్‌ కు, పశ్చిమ ఆఫ్రికాలోని ఫ్రీటౌన్ కి మూడు నౌకలు వెళ్లాయి. ఇక్కడి నుంచి వెళ్లిన సైనికులు ఒక్కసారిగా తీవ్ర అనారోగ్యం పాలై మృత్యువాత పడ్డారు. ఆ తరువాత ఇతర దేశాలకూ పాకింది. మొదటి ప్రపంచ యుద్ధం ముగిశాక.. 1918 మార్చిలో అమెరికాలోని కాన్సస్‌లో స్పానిష్‌ ఫ్లూ తొలి కేసు నమోదైంది. అక్కడి నుంచి సైన్యం యూరప్‌ వెళ్లగా.. అక్కడా ఈ లక్షణాలు ఎక్కువగా వెలుగు చూశాయి. దీనికి సంబంధించిన పూర్తి వివరాలను స్పెయిన్‌ వెల్లడించటంతో ఫ్లూ లక్షణాలకు ‘స్పానిష్‌ ఫ్లూ’ అని పేరు పెట్టారు.
ఆ తర్వాత అది పూర్తి పరివర్తనతో విజృంభించింది. దాన్నే సెకండ్‌ వేవ్‌గా అప్పట్లో పేర్కొన్నారు. 1918 మార్చిలో తొలికేసు నమోదైన అమెరికాలో 189 మందే చనిపోయారు. కానీ.. యూరప్‌ నుంచి తిరిగి వచ్చిన సైనికులతో సెప్టెంబర్‌లో ప్రబలిన సెకండ్‌ వేవ్ మారణహోమాన్ని సృష్టించింది. యూరప్‌ నుంచి సైనికులతో జూన్‌లో ముంబైకి తొలి నౌక వచ్చింది. వారితోనే స్పానిష్‌ ఫ్లూ మన దేశంలో అడుగుపెట్టింది. ముంబైలో అదే ఏడాది సెప్టెంబర్‌ చివరి వారంలో ఒక్కసారిగా వ్యాధి ప్రబలింది. బ్రిటన్ నుంచి బోస్టన్‌ వెళ్లిన సైనికుల్లో కనిపించిన లక్షణాలే మన దేశంలోనూ కనిపించాయి. స్పానిష్‌ ఫ్లూ తరహాలోనే ప్రబలినా.. కోవిడ్‌ మాత్రం తొలి వేవ్ లోనే విజృంభించింది. రెండో వేవ్ తో పెద్ద ప్రమాదం ఉండదని నిపుణులు చెబుతున్నారు. బ్రిటన్ లో ప్రబలుతున్న కొత్త రకం కరోనా మనపై ఎంత ప్రభావం చూపుతుందన్న విషయంలో ఇంకా స్పష్టత రాలేదు.
