పాతికేళ్ల భవిష్యత్తు కోసం పోరాటం ఆశీర్వదించండి

ఆంధ్రప్రదేశ్ రాష్ట్రంలోని నెల్లూరు నగర పాలక సంస్థతోపాటు 12 మున్సిపాలిటీలకు ఈ నెల 15వ తేదీన ఎన్నికలు జరుగుతున్న విషయం తెలిసిందే. జనసేన పార్టీ తరపున అభ్యర్థులు ఈ ఎన్నికల బరిలో నిలిచారు. ఈ సందర్భంగా ఆ పార్టీ అధినేత పవన్ కళ్యాణ్ మీడియాతో మాట్లాడుతూ.. మరికొన్ని పురపాలక, నగర పాలక సంస్థల్లోనూ, ప్రజా పరిషత్తుల్లో వచ్చిన ఉప ఎన్నికల్లో జనసేన పోటీలో నిలిచిందన్నారు. స్థానిక సంస్థలకు జరుగుతోన్న ఉప ఎన్నికల్లో జనసేన పార్టీ అభ్యర్థులను గెలిపించాలంటూ విజ్ఞప్తి చేశారు జనసేనాని పవన్‌ కల్యాణ్.. స్థానిక ఎన్నికల్లో జనసేన అభ్యర్థులను ఆశీర్వదించండిని కోరారు.

ఒక మార్పు కోసం ఈ పోరాటం జరుగుతోంది. జన సైనికులు పదవుల కోసం కాకుండా సేవచేయడానికే ముందుంటారు. ప్రజల కోసం పని చేసే వారికే అభ్యర్థులుగా నిలబెట్టాం అని , అన్ని వేళలా ప్రజల కోసం పని చేస్తూ, ప్రజా సమస్యల పరిష్కారం కోసం పాటుపడేవారినే ఈ ఎన్నికలలో పోటీ చేయడానికి అవకాశం కల్పించామని పవన్ తెలిపారు. స్థానిక సమస్యలపై అవగాహనతో పాటు సామాజిక స్పృహతో పని చేసేవారిని స్థానిక సంస్థల ప్రతినిధులుగా ఎన్నుకొంటే ప్రజా గళం ప్రతిధ్వనిస్తుందన్నారు. జనసేన అభ్యర్థులకు ఓటు వేసి గెలిపించాలని పవన్ విజ్ఞప్తి చేశారు.

స్థానిక సమస్యలపై అవగాహనతో, సామాజిక స్పృహతో పని చేసేవారిని స్థానిక సంస్థల ప్రతినిధులుగా ఎన్నుకొంటే ప్రజా గళం ప్రతిధ్వనిస్తుందని పేర్కొన్న పవన్.. జనసేనతో మైత్రి ఉన్న బీజేపీ కొన్ని స్థానాల్లో పోటీ చేస్తోందని.. మన బిడ్డలకు పాతికేళ్ల భవిష్యత్తు కోసం పరితపించే జనసేన అభ్యర్థులకు ఓటేసి ఆశీర్వదించి గెలిపించాలని విజ్ఞప్తి చేశారు.. మిత్ర పక్షం బీజేపీ తరఫున బరిలో ఉన్న అభ్యర్థులను గెలిపించాలని కోరారు పవన్ కళ్యాణ్.