హీరో పవన్.. ఎలా ఉండేవాడు ఎలా అయ్యాడు?

పవర్ స్టార్ పవన్ కళ్యాణ్.. సినిమాల్లో ఒంటిచేత్తో విలన్లను చావబాదుతుంటే నా సామిరంగ.. విజిల్స్, ఈలలు, గోలలు.. ఒకటే సందడి.. కానీ రీల్ జీవితానికి రియల్ జీవితానికి ఎంత తేడా.. ఇప్పుడు అమరావతి రోడ్లపై పడుకున్న పవన్ కళ్యాణ్ ను చూస్తే నిజంగానే పాపం అనిపించకమానదు..

పవన్ కళ్యాణ్ ఏంటి రోడ్ల మీద పడుకోవడం ఏంటి అని ఆశ్చర్యపోతున్నారా.? కానీ ఇది నిజంగా నిజం..

అమరావతిలో రాజధాని రైతులు ఆందోళన చేస్తున్నారు. రాజధాని మార్పును వ్యతిరేకిస్తూ నిరసన తెలుపుతున్నారు. జనసేన అధినేత పవన్ కళ్యాన్ మంగళవారం ఆందోళన చేస్తున్న రైతుల వద్దకు వెళ్లడానికి రెడీ అయ్యారు. మందడం గ్రామానికి వెళుతున్న సమయంలో సీఎం జగన్ సచివాలయంలో సమీక్ష చేస్తున్నారని పెద్ద ఎత్తున మోహరించిన పోలీసులు పవన్ ను వెళ్లకుండా అడ్డుకున్నారు. కానీ పవన్ మాత్రం పోలీసులను దిక్కరించి వినకుండా ముందుకెళ్లారు. ఇనుప కంచెలు సైతం దాటుకొని వెళ్లారు.

ఈ క్రమంలో ఇనుప కంచెలను అడ్డుపెట్టి పవన్ ను పోనీయకపోవడంతో అక్కడే రోడ్డుమీద పడుకొని పవన్ నిరసన తెలిపాడు. మాచిన గడ్డం.. పెరిగిన జుట్టు.. చిరిగిన బట్టలతో పవన్ కళ్యాణ్ అలా రోడ్డు మీద పడి ఉన్న దృశ్యాలు అయ్యో అనిపించక మానవు.. చూస్తే నిజంగానే మనకూ జాలేయడం ఖాయం..