యాక్సిడెంట్ లో పిన్నమనేని సతీమణి చనిపోయారు

నిత్యం చోటు చేసుకునే రోడ్డుప్రమాదాల్లో పలువురు దుర్మరణం పాలు కావటం తెలిసిందే. అప్పుడప్పడు ఈ ప్రమాదాల్లో ప్రముఖులు సైతం బాధితులుగా మారుతుంటారు. తాజాగా అలాంటి ఉదంతమేమరొకటి చోటు చేసుకుంది. పహాడీషరీఫ్ ఔటర్ రింగు రోడ్డు దగ్గర మంగళవారం తెల్లవారుజామున జరిగిన రోడ్డు ప్రమాదంలో ఏపీ అప్కాబ్ ఛైర్మన్ పిన్నమనేని వెంకటేశ్వరరావు ఫ్యామిలీ గురైంది.

విజయవాడ నుంచి హైదరాబాద్ వస్తున్న వీరు కారు ప్రమాదవశాత్తు కారు వెనుక టైరు పేలింది. దీంతో అదుపు తప్పిన కారు బోల్తా పడింది. ప్రమాదంలో పిన్నమనేని గాయపడగా.. ఆయన సతీమణి సత్యవాణి.. కారు డ్రైవర్ దాసు మృతి చెందారు.

ప్రమాదం జరిగిన సమాచారం తెలుసుకొని పిన్నమననేనిని శంషాబాద్ లోని ట్రెజెండ్ ఆసుపత్రికి తరలించారు. అనంతరం ఆయన్ను మెరుగైన వైద్యం కోసం అపోలోకు తరలించారు. ఇక.. ప్రయాణంలో మరణించిన మృతదేహాల్ని ఉస్మానియా ఆసుపత్రికి తరలించారు.