నటి కరాటే కళ్యాణి పై పోలీస్ కేసు

ఎప్పుడూ వివాదాస్పద అంశాల్లో ఉంటూ.. రోజు వార్తల్లో ఉండే కరాటే కళ్యాణి మరోసారి కొత్త కేసులో ఇరుక్కుని సంచలనంగా మారారు. సినీ క్యారెక్టర్ ఆర్టిస్ట్ కరాటే కళ్యాణి చిక్కుల్లో పడ్డారు. జగద్గిరిగుట్ట పోలీస్ స్టేషన్ లో ఆమెపై కేసు నమోదైంది. ఓ హత్య కేసుకు సంబంధించి సాక్ష్యాలను తారుమారు చేసేందుకు ప్రయత్నించినట్టు ఫిర్యాదు రావడంతో ఆమెపై జగద్గిరిగుట్ట పోలీసులు కేసు నమోదు చేశారు.

గతంలో సైదాబాద్ పోలీస్ స్టేషన్ పరిధి సింగరేణి కాలనీలో ఓ మైనర్ బాలికపై జరిగిన హత్య వివరాలను డిస్ క్లోజ్ చేసినందుకు ఆమె ప్రయత్నించినట్టు ఆరోపణలున్నాయి. ఇందుకు సంబంధించి జగద్గిరి గుట్ట, ఎల్లమ్మ బండ ప్రాంతానికి చెందిన తూటం శెట్టి నితీష్ అనే వ్యక్తి రంగారెడ్డి జిల్లా డిస్ట్రిక్ట్ కోర్టులో ప్రైవేటు ఫిర్యాదు దాఖలు చేశారు.

దీంతో కరాటే కళ్యాణిపై వెంటనే కేసు నమోదు చేయాలని రంగారెడ్డి కోర్టు ఆదేశించింది. దీంతో కోర్టు ఆదేశాల మేరకు కరాటే కళ్యాణిపై జగద్గిరిగుట్ట పోలీస్ స్టేషన్ లో కేసు నమోదు చేశారు.

సినీ, రాజకీయ అంశాలపై కరాటే కళ్యాణ్ స్పందిస్తుంటారు. ఇటీవల ‘మా’ ఎన్నికల సమయంలోనూ వివాదాస్పద వ్యాఖ్యలతో వార్తల్లో నిలిచారు. పలు టీవీ, సినిమాల్లో పాత్రల్లో నటిస్తూనే తాజాగా ఓ హత్య కేసు విషయంలో ఇన్ వాల్వ్ అయ్యి కేసుల్లో ఇరుకున్నారు.