చిరంజీవి బ్ల‌డ్ బ్యాంక్ లో గోల్ మాల్‌!

సామాజిక సేవ కోసం ప్ర‌ముఖ న‌టుడు మెగాస్టార్ చిరంజీవి స్టార్ట్ చేసిన చిరంజీవి బ్ల‌డ్ బ్యాంక్ లో చేతివాటానికి పాల్ప‌డ్డ ఉద్యోగి ఉదంతం ఒక‌టి బ‌య‌ట‌కు వ‌చ్చింది. రక్త‌దానం చేసిన త‌ర్వాత దాత‌ల‌కు ఇచ్చే జ్యూస్ పాకెట్‌.. పండ్ల విష‌యంలో గోల్ మాల్ చేస్తున్న ఉద్యోగిని గుర్తించారు.

హైద‌రాబాద్ జూబ్లీహిల్స్ ద‌గ్గ‌రున్న ఈ బ్ల‌డ్ బ్యాంక్ లో ప‌ని చేస్తున్న ఉద్యోగి ఒక‌రు.. గ‌డిచిన నాలుగేళ్లుగా జ్యూస్ పాకెట్లు.. పండ్ల కొనుగోళ్ల‌లో అవ‌క‌త‌వ‌క‌ల‌కు పాల్ప‌డుతున్న‌ట్లు గుర్తించారు. అద‌నంగా బిల్లులు వేసి సంస్థ నుంచిఅక్ర‌మంగా డ‌బ్బులు తీసుకుంటున్న‌ట్లు గుర్తించారు.

వెంట‌నే స్పందించిన బ్ల‌డ్ బ్యాంక్ నిర్వాహ‌కుడు స్వామినాయుడు ఈ విష‌యాన్ని జూబ్లీహిల్స్ పోలీసుల‌కు ఫిర్యాదు చేశారు. కేసు న‌మోదు చేసిన పోలీసులు ద‌ర్యాప్తు చేస్తున్నారు. అదేంటో కానీ.. ఆ మ‌ధ్య‌న చిరు ఇంట్లో ప‌ని చేసే వ్య‌క్తి సైతం చేతివాటాన్ని ప్ర‌ద‌ర్శించి.. అడ్డంగా బుక్ కావ‌టం తెలిసిందే.