పోలీస్ పెట్రోలింగ్ వెహికిల్ లో రేప్?

ప్రజల్ని రక్షించే పోలీస్ వ్యాన్ లోనే ఒక మహిళా పోలీసుపై అత్యాచారానికి కారణమైన ఘటన ఇప్పుడు సంచలనంగా మారింది. మహిళలు ఏ దేశంలో ఉన్నా.. ఏ రంగంలో ఉన్నా లైంగికంగా వారు ఎదుర్కొంటున్న పరిస్థితుల్ని తాజా ఉదంతం కళ్లకు కట్టినట్లు చూపిస్తుందని చెప్పక తప్పదు. బ్రిటన్ లో చోటుచేసుకున్న దారుణం ఇప్పుడు పెద్ద సంచలనంగా మారింది.

ప్రజల మాన..ప్రాణాల్నిరక్షించే పోలీసు శాఖలో.. అందులోకి పోలీస్ పెట్రోలింగ్ వ్యాన్ లో ఒక పోలీసు అధికారిణిపై అత్యాచారం జరగటం విస్మయాన్ని రేకెత్తిస్తోంది. విక్టోరియా పోలీసు శాఖలో కొద్ది నెలల కిందటే ఒక యువతి చేరింది. ఆమెపై ఒక సీనియర్ పోలీస్ అధికారి కన్నేశాడు. ఆమెను లైంగికంగా ఇబ్బంది పెట్టేవాడు. అయితే.. ఇలాంటివి మామూలే అన్నట్లుగా కాస్త జాగ్రత్తగా ఉంటూ తప్పించుకుంటూ ఉండేది.

తనకు అవకాశం కోసం ప్రయత్నిస్తున్న సీనియర్ అధికారి దుర్మార్గాన్ని అంచనా వేయలేని ఆమె అడ్డంగా బుక్ అయ్యింది. తాజాగా ఎవరూ లేని ప్రదేశానికి వాహానాన్ని తీసుకెళ్లి.. వెనుక సీట్లో పోలీసు అధికారిణిపై బలాత్కరం చేశాడు. అతడి నుంచి తప్పించుకునేందుకు ఆమె విఫలయత్నం చేసింది. జరిగిన దారుణం గురించి ఆమె ఫిర్యాదు ఇవ్వటంతో ఈ దారుణానికి బాధ్యుడైన పోలీసు అధికారిని సస్పెండ్ చేసి విచారణకు ఆదేశించారు. పోలీస్ వ్యాన్ లోనే పోలీసు అధికారిణి.. మరో పోలీస్ చేతిలో బలి కావటం ఇప్పుడు షాకింగ్ గా మారింది.