Begin typing your search above and press return to search.
ముహూర్తం ఫిక్స్ - పొంగ‌ల్ పోగానే విస్తరణ!
By: Tupaki Desk | 4 Jan 2019 4:44 PM GMT
తెలంగాణ అసెంబ్లీ ఎన్నికల ఫ‌లితాలు వెలువ‌డి దాదాపు పాతిక రోజులు కావ‌స్తోంది. ముఖ్యమంత్రి కేసీఆర్ ఒకే ఒక్క మంత్రితో ప్ర‌భుత్వాన్ని న‌డిపిస్తున్నారు. మంత్రివర్గ విస్తరణ కోసం ఎమ్మెల్యేలంతా చ‌కోర‌ప‌క్షుల్లా ఎదురుచూస్తున్నారు. కేబినెట్ లో స్థానం ద‌క్కించుకునేందుకు ముమ్మ‌ర ప్ర‌య‌త్నాలు చేస్తున్నారు. కేసీఆర్ - కేటీఆర్ ల‌ను ప్ర‌స‌న్నం చేసుకునేందుకు శ‌త‌విధాలా కృషిచేస్తున్నారు.
మంచి ముహూర్తాలు లేని కార‌ణంగా ఇన్నాళ్లూ మంత్రివర్గ విస్త‌ర‌ణ‌ను కేసీఆర్ వాయిదా వేస్తూ వ‌స్తున్నారు. అయితే - ఇప్పుడు ఆయ‌న కేబినెట్ ఏర్పాటుకు డేట్ ఫిక్స్ చేసుకున్న‌ట్లు తెలుస్తోంది. సంక్రాంతి ప‌ర్వ‌దినం పూర్తి కాగానే 18వ తేదీన కేబినెట్ ను విస్త‌రించి - అదే రోజు మంత్రుల‌తో ప్రమాణ స్వీకారం చేయించాల‌ని గులాబీ ద‌ళ‌ప‌తి కేసీఆర్ వ్యూహ‌ర‌చ‌న చేసిన‌ట్లు టీఆర్ ఎస్ వ‌ర్గాల్లో ప్ర‌చారం జ‌రుగుతోంది.
తెలంగాణలో ప్ర‌స్తుతం పంచాయ‌తీ ఎన్నికల న‌గారా మోగింది. ఎన్నికల కోడ్ అమ‌ల్లోకి వ‌చ్చింది. ఈ నేప‌థ్యంలో మంత్రివర్గ విస్తరణ - శాసనసభ సమావేశాలు నిర్వహించరాదంటూ రాష్ట్ర ఎన్నికల సంఘం చేసిన ప్రకటన - పత్రికల్లో ప్రచురితమైన వార్తా కథనాలపై ముఖ్యమంత్రి కార్యాలయ ఉన్నతాధికారులు - పంచాయ‌తీరాజ్‌ శాఖ అధికారులు ప్రత్యేకంగా సమావేశ‌మ‌య్యారు. ఎన్నికల నియమావళిని అధ్యయనం చేశారు.
మంత్రివర్గ విస్తరణకు - అసెంబ్లీ సమావేశాలకు ఎన్నికల ప్రవర్తనా నియమావళి ఏమాత్రం అడ్డంకి రాదని అధికారులు నిర్ధార‌ణ‌కు వ‌చ్చారు. కొత్తగా ఎన్నికైన ఎమ్మెల్యేల ప్రమాణ స్వీకారం ఎప్పుడైనాస‌రే చేసుకోవ‌చ్చ‌ని తేల్చారు. ఇదే విష‌యాన్ని ముఖ్యమంత్రి కార్యాలయ ఉన్నతాధికారి ఒకరు రాష్ట్ర ఎన్నికల సంఘం దృష్టికి తీసుకెళ్లార‌ని - ఎన్నికల సంఘం కూడా సీఎం కార్యాలయ వాద‌న‌తో ఏకీభ‌వించింద‌ని తెలుస్తోంది. దీంతో 18న మంత్రివర్గ విస్తరణ ఖాయ‌మ‌ని ప్ర‌చారం జ‌రుగుతోంది.
మంచి ముహూర్తాలు లేని కార‌ణంగా ఇన్నాళ్లూ మంత్రివర్గ విస్త‌ర‌ణ‌ను కేసీఆర్ వాయిదా వేస్తూ వ‌స్తున్నారు. అయితే - ఇప్పుడు ఆయ‌న కేబినెట్ ఏర్పాటుకు డేట్ ఫిక్స్ చేసుకున్న‌ట్లు తెలుస్తోంది. సంక్రాంతి ప‌ర్వ‌దినం పూర్తి కాగానే 18వ తేదీన కేబినెట్ ను విస్త‌రించి - అదే రోజు మంత్రుల‌తో ప్రమాణ స్వీకారం చేయించాల‌ని గులాబీ ద‌ళ‌ప‌తి కేసీఆర్ వ్యూహ‌ర‌చ‌న చేసిన‌ట్లు టీఆర్ ఎస్ వ‌ర్గాల్లో ప్ర‌చారం జ‌రుగుతోంది.
తెలంగాణలో ప్ర‌స్తుతం పంచాయ‌తీ ఎన్నికల న‌గారా మోగింది. ఎన్నికల కోడ్ అమ‌ల్లోకి వ‌చ్చింది. ఈ నేప‌థ్యంలో మంత్రివర్గ విస్తరణ - శాసనసభ సమావేశాలు నిర్వహించరాదంటూ రాష్ట్ర ఎన్నికల సంఘం చేసిన ప్రకటన - పత్రికల్లో ప్రచురితమైన వార్తా కథనాలపై ముఖ్యమంత్రి కార్యాలయ ఉన్నతాధికారులు - పంచాయ‌తీరాజ్‌ శాఖ అధికారులు ప్రత్యేకంగా సమావేశ‌మ‌య్యారు. ఎన్నికల నియమావళిని అధ్యయనం చేశారు.
మంత్రివర్గ విస్తరణకు - అసెంబ్లీ సమావేశాలకు ఎన్నికల ప్రవర్తనా నియమావళి ఏమాత్రం అడ్డంకి రాదని అధికారులు నిర్ధార‌ణ‌కు వ‌చ్చారు. కొత్తగా ఎన్నికైన ఎమ్మెల్యేల ప్రమాణ స్వీకారం ఎప్పుడైనాస‌రే చేసుకోవ‌చ్చ‌ని తేల్చారు. ఇదే విష‌యాన్ని ముఖ్యమంత్రి కార్యాలయ ఉన్నతాధికారి ఒకరు రాష్ట్ర ఎన్నికల సంఘం దృష్టికి తీసుకెళ్లార‌ని - ఎన్నికల సంఘం కూడా సీఎం కార్యాలయ వాద‌న‌తో ఏకీభ‌వించింద‌ని తెలుస్తోంది. దీంతో 18న మంత్రివర్గ విస్తరణ ఖాయ‌మ‌ని ప్ర‌చారం జ‌రుగుతోంది.
