తెలంగాణ కాంగ్రెస్ బాహుబ‌లి ఈయ‌నేన‌ట‌

తెలంగాణ కాంగ్రెస్ నేత‌ల‌కు బాహుబ‌లి ఫీవ‌ర్ ప‌ట్టుకున్న‌ట్లుంది. కొద్ది రోజుల క్రితం తెలంగాణ కాంగ్రెస్ సీనియర్ నేత జానారెడ్డి ఆసక్తికర వ్యాఖ్యలు చేసిన విషయం తెలిసిందే. వచ్చే ఎన్నికల్లో టీఆర్ ఎస్ ను ఓడించడానికి, సీఎం కేసీఆర్ ను గ‌ద్దెదించ‌డానికి కాంగ్రెస్‌ కు బాహుబలి వస్తాడని అన్నారు. ఈ ప్ర‌క‌ట‌న అనంత‌రం ఇటు కాంగ్రెస్ అటు టీఆర్ ఎస్ నేత‌లు ర‌క‌ర‌కాలుగా స్పందించారు. టీఆర్ ఎస్ త‌ర‌ఫున ముందుగా స్పందించిన సీఎం కేసీఆర్ త‌న‌య‌ - ఎంపీ కవిత కాంగ్రెస్ గెలవాలంటే బాహుబలులు కావాలేమోగానీ తమ ముఖ్యమంత్రి కేసీఆరే త‌మ‌కు అసలైన బాహుబలి అని వ్యాఖ్యానించిన విషయం విధితమే.

ఇదే రీతిలో కాంగ్రెస్ నేత‌లు సైతం కొంద‌రు త‌మ‌కు తాము బాహుబ‌లి అని వ్యాఖ్య‌లు చేసుకున్నారు. అయితే కాంగ్రెస్ పార్టీని నిలబెట్టాలన్నా...టీఆర్ ఎస్ ను పడగొట్టాలన్నా తెలంగాణ బాహుబలి పొన్నాల లక్ష్మయ్యేనని కొన్ని ఫోటోలు సోషల్ మీడియాలో హల్ చల్ చేస్తున్నాయి. బాహుబలి సినిమా గెటప్ లో ప్రభాస్ ఎలా ఉన్నాడో అలాగే పొన్నాల అలాగే ఉండటం గమనార్హం. కాగా దొరల పాలన నుంచి తెలంగాణ ప్రజలను కాపాడడానికి మన బాహుబలి పోరాడుతున్నారని కాంగ్రెస్‌కు చెందిన యువ నేతలు చెప్పడం విశేషం.

Like Us on Facebook : https://www.facebook.com/Tupakidotcom/