టాలీవుడ్‌ లో పాగా వేయ‌నున్న హీరోయిన్‌!

సినీ ఇండ‌స్ట్రీలో హీరోలు ఐదు ప‌దుల వ‌య‌సులో కూడా సినిమాలు చేస్తూ బిజీగా ఉంటారు. అయితే, హీరోయిన్ల‌కు మాత్రం కెరీర్ స్పామ్ చాలా త‌క్కువ‌నే చెప్పాలి. అందులోనూ ప్రేక్ష‌కులు ఎప్ప‌టిక‌ప్పుడు హీరోయిన్ల విష‌యంలో కొత్త‌ద‌నాన్ని కోరుకుంటారు. మొన్న‌టి వ‌ర‌కు టాలీవుడ్‌ లో స‌మంత హ‌వా న‌డిచింది. ఆ స్థానాన్ని ప్ర‌స్తుతం ర‌కుల్‌ ప్రీత్ సింగ్ ఆక్ర‌మించింది.

ఈ మ‌ధ్య చాలా సినిమాల్లో రకుల్‌ కనిపిస్తోంది. దీంతో కొత్త హీరోయిన్ల కోసం అన్వేషిస్తున్న టాలీవుడ్‌ కి పూజా హెగ్డే రూపంలో మ‌రో హీరోయిన్ దొరికేసింది. దువ్వాడ జ‌గ‌న్నాథంతో కుర్రాళ్ల మ‌నసు దోచుకున్న ఈ బ్యూటీకి ప్రేక్ష‌కులు జై కొడుతున్నారు.

దువ్వాడ జగన్నాథమ్‌ తో పూజా హెగ్డే అందాల ప్రదర్శనలో తానేం త‌క్కువ కాద‌ని నిరూపించింది. స్విమ్‌ సూట్‌ లో కనిపించిన పూజకి కుర్ర‌కారు ఫిదా అయిపోయారు. నెక్స్‌ట్ టాలీవుడ్ స్టార్ హీరోయిన్ ఈవిడేనని చెబుతున్నారు. దీంతో పూజా హెగ్డేకి డిమాండ్‌ పెరుగుతోంది. రాబోయే భారీ చిత్రాలకి రకుల్‌ పేరు కంటే ముందు పూజా హెగ్డే పేరే పరిశీలనకి వస్తోందట.

నిన్న మొన్న‌టి వ‌ర‌కు బాలీవుడ్ వైపు చూసిన పూజ ఇప్పుడు తెలుగు సినిమాకే ప్రిఫరెన్స్‌ ఇస్తోందట. త్వ‌ర‌లో హైదరాబాద్ కు మ‌కాం మార్చేసి అందుబాటులో ఉంటానని మేనేజర్లకి కూడా చెప్పిందట. మహేష్‌ - ప్రభాస్‌ - ఎన్టీఆర్‌... ఇలా పెద్ద స్టార్లంతా కనుక తలో ఒక సినిమా ఇచ్చేస్తే నంబర్‌ వన్‌ గా పూజ కొన్నాళ్ల పాటు సెటిల‌య్యే అవ‌కాశ‌ముంద‌న్న‌మాట‌..

Like Us on Facebook : https://www.facebook.com/Tupakidotcom/