పింగళి వెంకయ్య గౌరవార్థం పోస్టల్ స్టాంపును విడుదల చేయనున్న కేంద్రం

స్వాతంత్ర్య సమరయోధుడు, జాతీయ జెండా రూపకర్త పింగళి వెంకయ్య గౌరవార్థం కేంద్ర ప్రభుత్వం పోస్టల్ స్టాంపును విడుదల చేయనుంది. పింగళి వెంకయ్య జయంతిని పురస్కరించుకుని ఆగస్ట్ 2న ఢిల్లీలో కేంద్ర హోంమంత్రి అమిత్ షా పోస్టల్ స్టాంపును విడుదల చేయనున్నారు.

వెంకయ్య స్వగ్రామం కృష్ణా జిల్లా భట్లపెనుమర్రును సందర్శించిన కేంద్ర పర్యాటక శాఖ మంత్రి జి కిషన్‌రెడ్డి పింగళి కుటుంబ సభ్యులు, బంధువులతో ముచ్చటించారు.

పింగళి వెంకయ్య గురించి మరింత తెలుసుకోవడానికి గ్రామస్థులతో కూడా సంభాషించారు. గ్రామంలోని పింగళి వెంకయ్య విగ్రహానికి కేంద్రమంత్రి పూలమాల వేసి నివాళులర్పించారు.

కేంద్ర ప్రభుత్వం, రాష్ట్ర ప్రభుత్వం సంయుక్తంగా వెంకయ్య జయంతిని దేశవ్యాప్తంగా ఘనంగా నిర్వహిస్తాయని మంత్రి తెలిపారు. జపాన్ పర్యటనకు, జపాన్ భాషపై ఆయనకున్న పట్టుకు జపాన్ వెంకయ్యగా పిలువబడిన పింగళి వెంకయ్య జీవితం మరియు సేవలను మంత్రి గుర్తు చేసుకున్నారు.

పత్తి పంటను ప్రోత్సహించినందున ఆయనను పతి (పత్తి) వెంకయ్య అని కూడా పిలుస్తారు. రాష్ట్ర, కేంద్ర ప్రభుత్వాలు దేశ వ్యాప్తంగా స్వాతంత్య్ర దినోత్సవ వేడుకలను ఘనంగా నిర్వహిస్తున్నారని.. ప్రతి ఇంటిపై జాతీయ జెండా ఎగురవేయాలని కిషన్‌రెడ్డి తెలిపారు. 1921లో విజయవాడలో వెంకయ్య రూపొందించిన జాతీయ జెండానే స్వాతంత్య్రానంతరం జాతీయ జెండాగా ఆమోదించబడింది.

ఆగస్టు 13 నుంచి 15 వరకు మూడు రోజుల పాటు జాతీయ జెండాను ఎగురవేయాలని రాష్ట్ర ప్రభుత్వం ప్రతిపాదించింది. ఈ మూడు రోజుల్లో ప్రతి ఇంటి పైన జాతీయ జెండాను ఎగురవేయాలని ప్రభుత్వం ప్రజలకు విజ్ఞప్తి చేసింది. .మొత్తంగా ఎన్ని ప్రభుత్వాలు మారినా పింగళి వెంకయ్యను పట్టించుకోలేదు. కేంద్రంలోని బీజేపీ ప్రభుత్వం మాత్రం ఆ మహనీయుడి జయంతిని ఘనంగా నిర్వహిస్తోంది.