బండ్ల గణేష్ ఏం చేసినా దానిలో కిక్ ఉండాల్సిందే..!

టాలీవుడ్ లో కమెడియన్ గా తన సత్తా చాటి ప్రస్తుతం నిర్మాతగా సెటిల్ అయిన బండ్ల గణేష్ ఏం చేసినా సరే సంథింగ్ స్పెషల్ గా ఉంటుంది. రెగ్యులర్ గా సోషల్ మీడియాలో తన అప్డేట్స్ తో హాట్ టాపిక్ గా ఉంటూ వస్తున్న బండ్ల గణేష్ తాజాగా దీపావళి పటాకుల విషయంలో మరోసారి వార్తల్లో నిలిచారు. ఇంతకీ బండ్లన్న ఏం చేశాడు అంటే.. ప్రతి ఏడాది లానే ఈసారి కూడా భారీ స్థాయిలో బాణాసంచా కొనుగోలు చేశారు. అంతకుముందు ఏమో కానీ ఈసారి మాత్రం ఒకటి రెండు కాదు ఏకంగా నాలుగు లక్షల రూపాయలకు పైగా పటాకులు కొని అందరికి షాక్ ఇచ్చారు. కొన్న బాణాసంచాలను ఇంటి ముందు పరిచి ఫోటో తీసి సోషల్ మీడియాలో షేర్ చేశారు బండ్ల గణేష్.

బండ్ల గణేష్ ఈ ఏడాది అక్షరాల 4,02,340 రూపాయల పటాకులు కొన్నారు. దీపావళి పండుగ మొత్తం తన ఇంట్లోనే ఉండేలా చేసుకున్నారు బండ్ల గణేష్. స్వతహాగా బిజినెస్ మెన్ అవడం తో ఖర్చుకి ఏమాత్రం వెనకడుగు వేయరు ఆయన. అంతేకాదు ఫ్యామిలీ హ్యాపీనెస్ కోసం ఎంతైనా సరే ఖర్చు చేస్తారని అర్ధమవుతుంది. ప్రతి ఏడాది లానే ఈసారి కూడా తను కొన్న బాణాసంచాలను ఇంటి ముందు లైన్ లో ఏర్పాటు చేసి ఆ ఫోటోని షేర్ చేశాడు బండ్ల గణేష్. ప్రస్తుతం ఎక్కడ చూసినా బండ్ల గణేష్ లక్షలు పెట్టి పటాకులు కొన్న టాపిక్ గురించే మాట్లాడుకుంటున్నారు. షాద్ నగర్ ఇంట్లో దీపావళి సంబరాలు జరుపుకున్నారు బండ్ల గణేష్. ఆ ఏరియానే కాదు తెలుగు రెండు రాష్ట్రాలు బండ్ల గణేష్ దీపావళి సరుకుల గురించి చర్చించుకుంటున్నారు.

ఈమధ్య సినిమాలు నిర్మిస్తూ నటించడం ఆపేసిన బండ్ల గణేష్ మహేష్ నటించిన సరిలేరు నీకెవ్వరు సినిమాలో బ్లేడ్ బాబ్జీగా నటించారు. ఇటీవలే ఆయన లీడ్ రోల్ లో డేగల బాబ్జీ సినిమా కూడా వచ్చింది. అయితే ఆ సినిమాకి సరైన ప్రమోషన్స్ లేకపోవడం వల్ల సినిమా వచ్చింది వెళ్లింది కూడా ఎవరికి తెలియలేదు. పవన్ కళ్యాణ్ భక్తుడు అయిన బండ్ల గణేష్ మరోసారి ఆయనతో సినిమా చేయాలని ప్రయత్నిస్తున్నారు. పవన్ ప్రస్తుతం తన వరుస సినిమాలతో బిజీగా ఉండటం వల్ల ఈ కాంబో సెట్ అవ్వట్లేదు. పవన్ సినిమా కోసం ఏడాది కాదు ఎన్నేళ్లయినా వెయిట్ చేస్తానని అంటున్నారు బండ్ల గణేష్.