న‌గ్న షూట్ ఎఫెక్ట్.. ర‌ణ‌వీర్ కి బ‌ట్ట‌లు కొనిచ్చారు!

బాలీవుడ్ స్టార్ హీరో ర‌ణ‌వీర్ సింగ్ తాజా న‌గ్న ఫోటోషూట్ అంత‌ర్జాలంలో దుమారం రేపిన సంగ‌తి తెలిసిందే. ఫోటోషూట్ నుండి అతని నగ్న ఫోటోలు ఇంటర్నెట్ లో సునామీగా మారడంతో అతడు దేశవ్యాప్తంగా వివాదంలో చిక్కుకున్నాడు.

ఈ వ్య‌వ‌హారంపై మ‌హిళా మండ‌ళ్లు స‌హా ప‌లువురు సాంప్ర‌దాయ వాదులు సీరియ‌స్ గా ఉన్నారు. ఇటీవ‌ల పోలీస్ స్టేష‌న్ లో ర‌ణ్ వీర్ పై కేసు న‌మోదు చేసిన సంగ‌తి తెలిసిందే. రణవీర్ సింగ్ న్యూడ్ ఫోటోషూట్.. గ్లోబల్ మ్యాగజైన్ కి ఇచ్చిన ఇంటర్వ్యూ జాతీయ ఆసక్తిని కలిగించింది. కానీ వివాదాలు ఊపిరాడ‌నివ్వ‌ని ప‌రిస్థితి ఉందిప్పుడు. మహిళల‌ మనోభావాలను దెబ్బతీసాడంటూ ర‌ణ‌వీర్ పై ఎఫ్‌.ఐ.ఆర్ దాఖలైంది.

తాజాగా ఇండోర్ కు చెందిన నాన్-గవర్నమెంట్ ఆర్గనైజేషన్ (ఎన్జీవో) అత‌డికి బట్టలు కొనేందుకు విరాళాల‌ను సేక‌రించ‌డం ప్రారంభించింది. విరాళాల పెట్టెపై ''బాలీవుడ్ ప్రమాదంలో ఉంది. మానసిక వ్యర్థాలు వెద‌జ‌ల్లుతున్నారు!'' అంటూ ఘాటైన వ్యాఖ్య రాసి ఉంది. నా స్వచ్ఛమైన ఇండోర్ మానసిక వ్యర్థాలను కూడా శుభ్రం చేస్తుంది'' అంటూ ఇండోర్ కు చెందిన NGO మీడియాకెక్కింది.

1972లో మ్యాగజైన్ షూటింగ్ లో నగ్నంగా కనిపించిన 70ల పాప్ ఐకాన్ బర్ట్ రేనాల్డ్స్ కు రణవీర్ నివాళి అర్పిస్తూ న‌గ్న ఫోటోషూట్ లో క‌నిపించ‌గా ఇది పెద్ద డిబేట్ కి తెర తీసింది. ఫోటోషూట్ మంట‌లు ఇప్ప‌ట్లో చ‌ల్లారేట్టు క‌నిపించ‌లేదు.

ర‌ణ‌వీర్ కెరీర్ మ్యాట‌ర్ కి వ‌స్తే.. ప్రస్తుతం రోహిత్ శెట్టి సర్కస్ విడుదల కోసం ర‌ణ‌వీర్ ఎదురు చూస్తున్నాడు. ఈ సినిమా ఈ ఏడాది క్రిస్మస్ కి ప్రేక్షకుల ముందుకు రానుంది. ర‌ణ‌వీర్ స‌ర‌స‌న‌ పూజా హెగ్డే- జాక్వెలిన్ ఫెర్నాండెజ్ ఇందులో క‌థానాయిక‌లుగా న‌టించారు.

ప‌లు భారీ ప్రాజెక్టుల‌కు ర‌ణ వీర్ సంత‌కాలు చేసాడు. మ‌రోవైపు ర‌ణ‌వీర్ సతీమ‌ణి దీపిక ప‌దుకొనే గెహ్ర‌యాన్ లాంటి బోల్డ్ మూవీలో బోల్డెస్ట్ పాత్ర‌తో వివాదాల్లోకి వ‌చ్చిన సంగ‌తి తెలిసిందే.