పీవీ సింధుతో 50 కోట్ల డీల్!

రియో ఒలింపిక్స్ లో రజత పతకం సాధించిన అనంతరం పీవీ సింధూ కి కోట్లలో పంట పండుతుంది. ఇప్పటికే రెండు తెలుగు రాష్ట్ర ప్రభుత్వాలు - బడా బడా కంపెనీలు - ఇతర క్రీడాకారుల నుంచి భారీస్థాయిలో బహుమతులు అందుకున్న పీవీ సింధూ కి తాజాగా మరోసారి భారీగా కోట్లలో పంట పండనుంది. ఇప్పటివరకు క్రికెట్ ఆటగాళ్లకు - బాలీవుడ్ స్టార్ హీరోలకు మాత్రమే ఈ స్థాయిలో భారీ ప్రకటన‌లపై డీల్ కుదిరిన సందర్భాలున్నాయి! అయితే ఈ భారీ డీల్ జాబితాలోకి రియో స్టార్ - బ్యాడ్మింటన్ స్టార్ పీవీ సింధు కూడా చేరనుంది. ఈ మేరకు స్పోర్ట్స్ మేనేజ్‌ మెంట్ కంపెనీ బేస్‌ లైన్‌ ఆమెతో 50 కోట్లకు డీల్ కుదుర్చుకోనున్నట్లు సమాచారం.

సింధును బ్రాండ్ అంబాసిడర్‌ గా తీసుకోవడానికి ఇప్పటికే రకరకాల బిజినెస్ లకు సంబందించిన సుమారు 9 సంస్థలు ఆమెతో సంప్రదింపులు జరుపుతున్నట్లు వార్తలు వెలువడుతున్నాయి. బ్యాంకులు - ఫైనాన్షియల్ ఇన్‌ స్టిట్యూషన్లు - వుమెన్ సంబంధిత బ్రాండ్స్ - స్పోర్ట్స్ బ్రాండ్లు వంటివి ఈ లిస్ట్ లోవున్నాయి. అయితే రియో ఒలింపిక్స్ లో రజత పతకం సాధించిన తర్వాత ఆమెపై చాలా కంపెనీలు ఇప్పటికే ఫోకస్ పెట్టాయని బేస్‌ లైన్ కంపెనీ ఎండీ మిశ్రా చెబుతున్నారు. ఈ క్రమంలో రాబోయే మూడేళ్లకు ఈ భారీ ఒప్పందం ఉన్నట్లు తెలుస్తోంది.

Like Us on Facebook : https://www.facebook.com/Tupakidotcom/