గొడవకు దారితీసిన రాహుల్ ట్వీట్

కొన్ని విషయాలపై స్పందించకపోవడం కూడా జ్జానమే. కాంగ్రెస్ అధ్యక్షుడు రాహుల్ గాంధీ ఈరోజు ఒక ట్వీటేసి ఇబ్బందికి గురయ్యారు. నెటిజన్లతో తిట్లు తిన్నాడు. ఇంతకీ ఏం జరిగిందంటే.. ఇంటర్నేషనల్ యోగా డే సందర్భంగా దేశ వ్యాప్తంగా అందరూ ఉత్సాహంగా యోగా డేలో పాల్గొంటున్నారు. యోగా పట్ల భారతీయులు గౌరవం, ఆసక్తి కలిగిన ఉన్న నేపథ్యంలో ఇండియాలో మంచి ఆదరణే లభిస్తోంది. ఇలాంటి సమయంలో యోగాపై కామెంట్ చేసి రాహుల్ ఇరుక్కున్నాడు. దీంతో ఈసారి ఈ ట్వీట్ వైరల్ అవుతోంది.

‘యోగా డే’ సందర్భంగా ... ఆర్మీ డాగ్స్ తో సైనికులు యోగా చేయిస్తున్న ఓ చిత్రాన్ని పోస్ట్ చేసి ’న్యూ ఇండియా‘ అని రాహుల్ ట్వీట్ వేయడంతో నెటిజన్లు రాహుల్ గాంధీని తప్పు పట్టారు. మీ సోషల్ మీడియా టీం మారింది గాని పరిస్థితి ఏం మారలే అని ఒకరు కామెంట్ చేస్తే, మీకు ఎన్ని అవకాశాలు ఇచ్చినా ఎదగలేరు అని మరొక నెటిజన్ కామెంట్ చేశారు.

బీజేపీ యువ ఎంపీ తేజస్వీ సూర్య దీనిపై స్పందిస్తూ... ఎన్నికల్లో ఘోర పరాజయం పొందినా రాహుల్ గాంధీ ఇంకా పాఠాలు నేర్చుకోలేదని, భారత ఆర్మీని అవమానించారని వ్యాఖ్యానించారు. రాహుల్ ట్వీట్ భారతీయ యోగా సంస్కృతిని, జాగిలాలను అవమానపరిచేలా ఉందని తేజస్వీ సూర్య మండిపడ్డారు.