రాజయ్య కొడుకు రెండో పెళ్లాం అరెస్ట్

మాజీ ఎంపీ రాజయ్య కోడలు సారిక.. ఆయన ముగ్గురు మనమలు అనుమానాస్పద రీతిలో దారుణంగా మృతి చెందిన విషయం తెలిసిందే. ఈ నేపథ్యంలో.. ఈ ప్రమాదానికి సంబంధించి హత్యా.. ఆత్మహత్యా అన్న రెండు అంశాలు తెరపైకి వచ్చాయి. తాజాగా ఈ ఉదంతంలో మరోకోణం బయటకు వచ్చింది.

రాజయ్య కొడుకు అనిల్.. భార్య సారిక మధ్య సంబంధాలు ఏమాత్రం బాగోలేదన్న విషయం తెలిసినప్పటికీ.. అనిల్ కు రెండో వివాహం జరిగిందన్న విషయం బయటకు వచ్చింది. వరంగల్ కు చెందిన షకీరా అలియాస్ సన అనే మహిళతో ఐదేళ్ల నుంచి సహజీవనం చేసుకొని.. రెండో పెళ్లి చేసుకున్నట్లు చెబుతున్నారు.

భర్త నుంచి విడిపోయి విడాకులు తీసుకున్న సన మీద పోలీసులు పోలీసు కేసు పెట్టారు. ఐదేళ్ల కిందట ఏర్పడిన పరిచయం కాస్తా సహజీవనానికి.. అనంతరం పెళ్లికి దారి తీసిందని చెబుతున్నారు. రాజయ్య కుమారుడు బాధ్యత లేకుండా వ్యవహరిస్తారన్న విమర్శలు ఉన్నప్పటికీ. .అతనికి మరో పెళ్లి జరిగిందన్న విషయం దుర్ఘటన నేపథ్యంలో బయటకు వచ్చింది. ఇక.. వీరికి ఇద్దరు మగపిల్లలు ఉన్నట్లుగా చెబుతున్నారు. ప్రస్తుతం ఆమెపై కేసు నమోదు చేసిన పోలీసులు అరెస్ట్ చేసి విచారిస్తున్నారు. మరోవైపు రాజయ్య కుటుంబ సభ్యుల్ని పోలీసులు పలు విధాలుగా విచారిస్తున్నారు.