బ్రేకింగ్: చంద్రబాబుకు ఫోన్ లో పరామర్శ

ఏపీ అసెంబ్లీలో తనను, తన భార్యను అవమానించడంపై చంద్రబాబు కన్నీళ్ల పర్యంతం అవ్వడం వైరల్ అయ్యింది. దేశవ్యాప్తంగా ఇది సంచలనమైంది. వైసీపీ నేతలు తన భార్యపై దారుణంగా దూషించారని.. ఇక సీఎం హోదాలోనే అసెంబ్లీలో అడుగుపెడుతానంటూ చంద్రబాబు శపథం చేసి మరీ బయటకు వచ్చారు.

అనంతరం మీడియాతో మాట్లాడుతూ తనను రెండున్నరేళ్లుగా అనేక రకాలుగా దూషించారని కానీ.. ఈరోజు నా సతీమణిని కూడా దూషించారంటూ మీడియా ముందు చంద్రబాబు కన్నీళ్ల పర్యంతం అయ్యారు. దీనిపై యావత్తు టీడీపీ, నందమూరి అభిమానులు తీవ్ర ఆగ్రహం వ్యక్తం చేశారు.

నిన్న నందమూరి కుటుంబ సభ్యులు అంతా బాలకృష్ణ ఆధ్వర్యంలో ప్రెస్ మీట్ నిర్వహించి వైసీపీ నేతల తీరుపై మండిపడ్డారు. తాజాగా చంద్రబాబును తమిళ సూపర్ స్టార్ రజినీకాంత్ ఫోన్ చేసి పరామర్శించారు. అసెంబ్లీ ఘటనపై విచారం వ్యక్తం చేశారు.

ఇక రజినీకాంత్ తోపాటు అన్నాడీఎంకే పార్టీ సీనియర్ నేత మైత్రేయన్ కూడా ఫోన్ చేసి పరామర్శించారు. 1984 నుంచి ఎన్టీఆర్ కుటుంబంతో మైత్రేయన్ కు పరిచయాలున్నాయి. అయితే దీనిపై మైత్రేయన్ ట్విట్టర్ వేదికగా అసెంబ్లీలో వ్యక్తిగత దూషణలను తీవ్రంగా ఖండిస్తున్నట్టు తెలిపారు.