పోకేమాన్ గో...ఇక మన ద‌గ్గ‌ర ర‌చ్చ‌

అంత‌ర్జాతీయ ర్యాంకింగ్ లో అత్యంత సంచలనాత్మక మొబైల్ వీడియో గేమ్ గుర్తింపు పొంది ‘పోకేమాన్ గో’.. ఎట్టకేలకు భారతీయ మార్కెట్‌ లోకి అడుగిడుతోంది. ముకేశ్ అంబానీ నేతృత్వంలోని 4జి టెలికామ్ సంస్థ రిలయన్స్ జియో ఇన్ఫోకామ్ భాగస్వామ్యంతో భారత్‌ కు ఈ సుపరిచిత గేమ్ పరిచయమవుతోంది. బుధవారం నుంచి దేశంలో ఈ గేమ్‌ను గూగుల్ ప్లే - యాప్ స్టోర్ల ద్వారా డౌన్‌ లోడ్ చేసుకోవచ్చు.

మా రెండు సంస్థ‌ల ఈ భాగస్వామ్యంతో వేలాది రిలయన్స్ డిజిటల్ స్టోర్లు - ఎంపిక చేసిన భాగస్వామ్య స్టోర్లలో - ‘పోకేస్టాప్స్’ లేదా ‘జిమ్స్’లలో డిసెంబర్ 14 నుంచి పోకేమాన్ గో గేమ్‌ ను పొందవచ్చు.’ అని ఓ ప్రకటనలో రిలయన్స్ జియో తెలిపింది. వచ్చే ఏడాది మార్చి 31దాకా జియో సిమ్ కస్టమర్లు కూడా పోకేమాన్ గో గేమ్‌ ను ఎలాంటి చార్జీలు లేకుండా డౌన్‌ లోడ్ చేసుకుని ఆడుకోవచ్చని చెప్పింది. కాగా, ఈ ఏడాది జూలైలో పరిచయమైన ఈ గేమ్.. అనతికాలంలోనే లక్షలాది వినియోగదారులను సంపాదించుకుంది. అయితే ఇప్పటిదాకా భారత్‌ లో ఇది అధికారికంగా అందుబాటులో లేదు. ఇప్పుడు రిలయన్స్ జియో ద్వారా అందుబాటులోకి వచ్చింది.

కాగా ప్రపంచవ్యాప్తంగా ఓ రేంజ్ లో క్రేజ్ సంపాదించిన రియాలిటీ గేమ్ పోకెమాన్ ఇపుడు అనేక క‌ల‌క‌లాలు సృష్టించింది. పోకేమాన్ క్రేజ్‌ లో ప‌డి ఇబ్బందుల పాల‌వుతున్న విష‌యాలు ఒక్కొక్క‌టిగా వెలుగులోకి వ‌స్తూ షాకింగ్‌ కు గురిచేశాయి. ఈ గేమ్ ఆడుతూ అమెరికాలో ఓ వాహనదారుడు పోలీసు వాహనాన్నే గుద్దేశాడు! మరో ఘటనలో ఈ గేమ్‌ ను మ‌త్తులో ప‌డి ఓ యువతి తల చెట్టుకొమ్మల్లో ఇరుక్కుపోయింది!! అదే రీతిలో ఆటలో మునిగిపోయి కెనడాకు చెందిన ఇద్దరు సోదరులు ఏకంగా అమెరికా-కెనడా సరిహద్దు దాటడం అంతర్జాతీయంగా చర్చనీయాంశమైంది.


Like Us on Facebook : https://www.facebook.com/Tupakidotcom/