రాజీవ్ ఖేల్‌ రత్న అవార్డుకు హిట్ మ్యాన్ నామినేట్‌ !

క్రీడల్లో అత్యున్నత పురస్కారమైన రాజీవ్‌ గాంధీ ఖేల్‌ రత్న అవార్డుకు టీమ్ ఇండియా స్టార్ క్రికెటర్ , ఓపెనర్ , హిట్ ‌మ్యాన్‌ రోహిత్‌ శర్మ పేరును క్రీడా మంత్రిత్వశాఖ కేంద్రానికి సిఫార్సు చేసింది. రోహిత్ తో పాటుగా రెజ్లర్‌ వినేశ్‌ ఫోగట్‌, టేబుల్‌ టెన్నిస్‌ సంచలనం మనిక బాత్రా, రియో పారా ఒలింపిక్స్‌ గోల్డ్ మెడలిస్ట్‌ మరియప్పన్‌ తంగవేలు పేర్లను రాజీవ్ ఖేల్‌ రత్న పురస్కారానికి సిఫార్సు చేశారు. క్రీడాశాఖ ఆధ్వర్యంలో మొత్తం 12 మంది సెలక్షన్‌ కమిటీ సభ్యులు ప్రతిష్టాత్మక అవార్డుకు వీరిని నామినేట్‌. అయితే, ఈ పురష్కారాలకి ఒకేసారి నలుగురు నామినేట్ కావడం ఇది రెండోసారి కావడం గమనార్హం. 2016లో ఒకసారి న‌లుగురు క్రీడాకారులని ఈ అవార్డు కోసం నామినేట్ చేశారు.

2019 ఏడాదిలో హిట్ మ్యాన్ రోహిత్ శ‌ర్మ బ్యాటింగ్ ‌లో మెరుపులు మెరిపించి , ఆ సీజ‌న్‌లో వ‌న్డేల్లో ఏడు సెంచ‌రీలతో మొత్తం 1490 ర‌న్స్ చేశాడు. కాగా 2019 ఏడాది క్రికెట్‌ లో అత్యుత్తమ ప్రదర్శన చేసిన నేపథ్యంలో రోహిత్‌ శర్మను ప్రతిష్టాతక్మ అవార్డుకు సిఫార్సు చేసినట్లు కమిటీలో సభ్యుడైన మాజీ క్రికెటర్‌ వీరేంద్ర సెహ్వాగ్‌ తెలిపారు. ఇక , 2018లో జరిగిన కామన్‌ వెల్త్‌ గేమ్స్‌, ఎషియన్‌ గేమ్స్ ‌లో బంగారు పతకాలు, 2019 ఏసియన్‌ రెజ్లింగ్‌ చాంపియన్ ‌షిప్ ‌లో క్యాంస్య పతకం సాధించి వినేశ్ ఫోగట్‌ చరిత్ర సృష్టించారు.

మరియప్పన్‌ తంగవేలు.. 2016లో రియో పారాఒలింపిక్స్‌లో టి42 హై జంప్‌ కేటగిరి విభాగంలో బంగారు పతకం సాధించి దేశ ఖ్యాతిని ఖండాంతరాలకు చాటి చెప్పాడు.

టేబుల్‌ టెన్నిస్‌ సంచలనంగా పేరు పొందిన మనిక బాత్రా 2018 నుంచి అత్యద్భుత ప్రదర్శనతో ఆకట్టుకుంటుంది.

ఇకపోతే , ఇండియన్‌ క్రికెట్ ‌లో రోహిత్‌ శర్మ కంటే ముందు ముగ్గురు మాత్రమే ఈ ప్రతిష్టాత్మకమైన రాజీవ్ ‌గాంధీ ఖేల్‌ రత్న పురస్కారానికి ఎంపికయ్యారు. వారిలో సచిన్‌ టెండూల్కర్‌( 1998), ఎంఎస్‌ ధోని(2007), ప్రస్తుత టీమిండియా కెప్టెన్‌ విరాట్‌ కోహ్లి(2018)లో ఎంపికయ్యారు.