ప‌వ‌న్ గెలవ‌డు.. గెలిపిస్తాడంతేన‌ట‌

జ‌న‌సేన అధినేత ప‌వ‌న్ క‌ల్యాణ్ పై ఆస‌క్తిక‌ర వ్యాఖ్య‌లు చేశారు అన‌కాప‌ల్లి మాజీ ఎంపీ స‌బ్బం హ‌రి. నంద్యాల ఉప ఎన్నిక‌ల నేప‌థ్యంలో ఆయ‌న మీడియాతో మాట్లాడారు. ఈ సంద‌ర్భంగా జ‌న‌సేనాధిప‌తిపై ఆయ‌న కొన్ని వ్యాఖ్య‌లు చేశారు. ప‌వ‌న్ క‌ల్యాణ్ లో ఫోర్స్ ఉంద‌న్న స‌బ్బం.. ప్ర‌జా స‌మ‌స్య‌ల మీద చిత్త‌శుద్ధి ఉంద‌న్నారు. ఉద్దానం స‌మ‌స్య‌పై ప‌వ‌న్ స్పంద‌న కార‌ణంగా కొంత అయినా మార్పు జ‌రిగే అవ‌కాశం ఉంద‌ని.. మంచి జ‌రుగుతుంద‌న్న ఆశాభావాన్ని వ్య‌క్తం చేశారు.

ప‌వ‌న్ ఎన్నిక‌ల్లో పోటీ చేస్తే గెలిచే అవ‌కాశం మాత్రం లేద‌న్నారు. ప‌వ‌న్ కు ఎన్నిక‌ల్లో గెలిచే ప‌రిస్థితి లేద‌న్న స‌బ్బం.. ప‌వ‌న్ మ‌ద్ద‌తు తీసుకునే వారు మాత్రం గెలిచే అవ‌కాశం ఉంద‌ని వ్యాఖ్యానించారు. స‌బ్బం మాట‌లు చూస్తుంటే.. ప‌వ‌న్ త‌న‌కు తాను ఎన్నిక‌ల్లో విజ‌యం సాధించ‌లేడు కానీ.. తాను మ‌ద్ద‌తు ఇస్తున్న వారిని మాత్రం గెలిపించే స‌త్తా ఉంద‌ని చెప్ప‌టం ఆస‌క్తిక‌ర‌మ‌ని చెప్పాలి. 2014 ఎన్నిక‌ల త‌ర్వాత చంద్ర‌బాబు ప్ర‌వ‌ర్త‌న‌.. న‌డ‌వ‌డిక‌లో మార్పు వ‌చ్చింద‌ని.. ఇప్పుడు ఏపీకి పెద్ద దిక్కుగా మారార‌న్నారు. స‌బ్బం హ‌రి మాట‌ల‌కు జ‌న‌సేనాధినేత ఎలా రియాక్ట్ అవుతారో చూడాలి.