బాబును సింగ‌పూర్ లో క‌లిసిన స‌చిన్

ఓప‌క్క హోదా కోసం అంత చేస్తున్నాం.. ఇంత చేస్తున్నామంటూ కాసింత హ‌డావుడి చేయ‌టం.. మీడియాలో క‌వ‌ర్ అయినంత‌నే ఆ విష‌యాన్ని ప‌క్క‌న పెట్టేయటం ఏపీ ముఖ్య‌మంత్రి చంద్ర‌బాబుకు అల‌వాటే. ఓప‌క్క రాష్ట్రంలోని ప్ర‌జ‌లంతా హోదా సాధ‌న విష‌యంపై సీరియ‌స్ గా దృష్టి పెట్టిన వేళ‌.. ఏపీ సీఎం మాత్రం ఎంచ‌క్కా సింగ‌పూర్ ప‌ర్య‌ట‌న‌కు వెళ్ల‌టం గ‌మ‌నార్హం.

చంద్ర‌బాబు సింగ‌పూర్ వెళ్ల‌టం ఒక ఎత్తు అయితే.. ఆయ‌న్ను అక్క‌డ క్రికెట్ దేవుడిగా అభివ‌ర్ణించే సచిన్ టెండూల్క‌ర్ భేటీ కావ‌టం ఆస‌క్తిక‌రంగా మారింది. అయితే.. బాబు.. స‌చిన్ ల మ‌ధ్య భేటీ మ‌ర్యాద‌పూర్వ‌కంగా జ‌రిగిందే త‌ప్ప ఎలాంటి ప్ర‌త్యేక‌త లేదంటున్నారు.

బాబు సింగ‌పూర్ ప‌ర్య‌ట‌న స‌మ‌యంలోనే స‌చిన్ అక్క‌డ ఉండ‌టంతో గౌర‌వంతో క‌లిశారే త‌ప్పించి మ‌రింకేమీ లేద‌ని స్ప‌ష్టం చేస్తున్నారు. స‌చిన్ ను క‌లిసిన సంద‌ర్భంలో చంద్ర‌బాబుతో ఆస‌క్తిక‌ర అంశాల్ని ప్ర‌స్తావించిన‌ట్లుగా చెబుతున్నారు. గ‌తంలో నెల్లూరుజిల్లాలోని ఒక గ్రామాన్ని స‌చిన్ ద‌త్త‌త తీసుకోవ‌టం.. ఆ గ్రామ అభివృద్ధి కోసం తీవ్రంగా కృషి చేస్తున్నారు. ఇందులో భాగంగా రెండు..మూడుసార్లు స‌చిన్ నెల్లూరు జిల్లాకు విచ్చేశారు కూడా. ఈ విష‌యాల‌న్నీ బాబు.. స‌చిన్ ల మ‌ధ్య చోటు చేసుకున్న‌ట్లుగా చెబుతున్నారు. స‌చిన్ తో పాటు ప‌లువ‌రు ప్ర‌ముఖుల‌తో బాబు బిజీబిజీగా ఉన్నారు.