పాక్ క్రికెటర్లతో సానియా స్టెప్పులు

అద్భుత విజయాలతో దూసుకెళుతున్న భారత టెన్నిస్ దిగ్గజం సానియామీర్జా తాజాగా వార్తల్లోకి వచ్చారు. అయితే.. ఈ వార్త పలువురు భారతీయులకు రుచించనిదిగా చెప్పొచ్చు. శ్రీలంకతో జరిగిన మ్యాచ్ లో పాకిస్థాన్ జట్టు అద్భుతమైన విజయం సాధించటంతో.. ఆనందం పట్టలేక సానియామీర్జా సంతోషంతో స్టెప్పులేసింది. పాక్ క్రికెటర్లతో కలిసి స్టెప్పులేసిన వీడియో యూట్యూబ్ లో ఇప్పుడు హడావుడి చేస్తోంది.

పాక్ జట్టుతో కలిసి స్టెప్పులేసిన తాజా వీడియోను సానియా భర్త షోయబ్ మాలిక్ తన ట్విట్టర్ అకౌంట్లో పోస్ట్ చేశాడు. పాక్ జట్టుతో కలిసి సానియా స్టెప్పులు వేయటంలో ఏ మాత్రం తప్పు లేదన్న వాళ్లు ఎక్కువమందే ఉంటున్నారు. ఆమె భర్త పాక్ జట్టులో సభ్యుడు అయినందున.. ఆ జట్టు విజయం సాధించినప్పుడు.. ఆ జట్టు సభ్యులతో కలిసి డ్యాన్స్ వేయటంలో తప్పేముందని ప్రశ్నిస్తున్నారు.

శ్రీలంక మీద సాధించిన విజయం నేపథ్యంలో.. సానియా దంపతులు.. పాక్ క్రికెట్ జట్టు సభ్యులతో కలిసి ‘‘అభీతో పార్టీ పార్టీ షుకూ హుయి హై’’ అనే పాటకు డబ్ స్మాష్ స్టెప్పులేసిన వీడియో ఇప్పుడు ఆసక్తికరంగా మారింది.