సానియామీర్జా-షోయాబ్ మాలిక్ విడాకుల వార్తలు.. నిజమెంత?

సానియా మీర్జా, షోయబ్ మాలిక్ మధ్య గొడవలు జరుగుతున్నాయని సోషల్ మీడియాలో వార్తలు వస్తున్నాయి. క్రీడా ప్రపంచంలోని టాప్ జంటపై విడాకులు తీసుకోబోతున్నారని.. వారి వైవాహిక జీవితంలో విడిపోతున్నారని ప్రచారం సాగుతోంది. ఈ జంట 2010 లో వివాహం చేసుకున్నారు. వీరిద్దరికి ఒక కుమారుడు కూడా ఉన్నారు. పాకిస్తాన్‌లోని చాలా వార్తా సంస్థలు ఇప్పుడు ఈ జంట తమ వివాహాన్ని విచ్ఛిన్నం చేసే అంచున ఉన్నాయనే కథనాన్ని ప్రచురిస్తున్నాయి.

-ఏం తప్పు జరిగింది?

ఈ జంట ఇటీవల తమ కొడుకు పుట్టినరోజును జరుపుకోవడంతో ఇదంతా ప్రారంభమైంది. షోయబ్ మాలిక్ పుట్టినరోజు పార్టీకి సంబంధించిన చిత్రాలను పంచుకోగా, సానియా షేర్ చేయలేదు. ప్రఖ్యాత క్రీడా ప్రముఖుడు ఒకరు 'విరిగిన హృదయం' అంటూ సానియా-షోయాబ్ ల పోస్ట్‌ను షేర్ చేశాడు. ఈ వార్తలకు స్తానం కల్పించాడు. అది నెటిజన్లను తీవ్రంగా ప్రచారం చేసేలా చేసింది. ఇది కాకుండా సానియా కూడా ఈ కఠినమైన సమయాల్లో తన భర్త తో విడిపోయిన పోస్ట్‌లపై స్పందించకపోవడం అనుమానాలకు తావిస్తోంది.

పాకిస్తానీ వార్తల నివేదికలను విశ్వసిస్తే.. షోయబ్ మాలిక్ ఒక షో షూటింగ్ సమయంలో సానియాను మోసం చేసాడు. సానియా - షోయబ్ ప్రేమ కథ , వివాహానికి సంబంధించిన తర్వాత వారి మద్య అపార్థాలు పొడచూపాయి. ఈ సంబంధాన్ని చేసుకున్నాక భారతదేశం ,పాకిస్తాన్ నుండి చాలా మంది వీరిని విమర్శించారు. ఈ జంటను నెలల తరబడి వేటాడారు. ఇప్పుడు వీరిద్దరూ విడిపోవడంతో కథ మొదటికి వచ్చేలా కనిపిస్తోంది.

-సానియా - షోయబ్ ల ప్రేమకథ

పాక్ మాజీ కెప్టెన్ షోయాబ్ నిజాయితీ తనను ఆకట్టుకుందని సానియా గతంలో వెల్లడించింది. "మేము ఒకరినొకరు అర్థం చేసుకోవడం ప్రారంభించిన కొన్ని నెలల తర్వాత, అతను ప్రాథమికంగా నేను నిన్ను పెళ్లి చేసుకోవాలనుకుంటున్నాను. నేను మీ కుటుంబాన్ని కలవడానికి వస్తాను, కాబట్టి మీరు ఎప్పుడు పెళ్లి చేసుకోవాలనుకుంటున్నారో నాకు చెప్పండి. ఓకే అయితే నాకు తెలియజేయండి" అని నన్ను ప్రపోజ్ చేశాడని సోనియా తెలిపింది. అలా వీరి ప్రేమ పెళ్లిపీటలెక్కింది.

తాజా వార్తలతో మరి వీరిద్దరూ విడిపోతున్నారా? లేక ఇవన్నీ గాలి వార్తాలా తెలియాల్సి ఉంది. అయితే విడాకులపై అటు షోయాబ్ కానీ.. ఇటు స్పందించలేదు.