జైల్లో ఉన్నా జట్టు ఓనరయ్యాడు

సెలబ్రిటీలు ఎక్కడున్నా వారి పనులు జరిగిపోతుంటాయి. ముంబయి పేలుళ్ల కేసులో శిక్ష అనుభవిస్తూ జైల్లో ఉన్న బాలీవుడ్ నటుడు సంజయ్ దత్ మరోసారి వార్తల్లోకి వచ్చారు. అన్ని అనుకున్నట్లు జరిగితే వచ్చే ఫిబ్రవరి.. మార్చి మధ్యలో శిక్షా కాలం పూర్తి చేసుకొని జైలు నుంచి విడుద కానున్న ఆయన.. పక్కా ఫ్యూచర్ ప్లాన్ వేసేశారు.

ఇటీవల కాలంలో వివిధ క్రీడా జట్లను కొనుగోలు చేసే సెలబ్రిటీలకు తగ్గట్లుగా తాజా ఆయనో జట్టును కొనేశారు. యూఏఈ వేదికగా మాస్టర్స్ ఛాంపియన్ లీగ్ జరుగుతున్న సంగతి తెలిసిందే. ఈ ఫార్మాట్ లో రిటైర్ అయిన దిగ్గజాలు ఆడతారు. మచ్చుకి కొన్ని పేర్లు చెప్పాలంటే మన బ్లాస్టర్ సెహ్వాగ్.. గ్రేట్ లారా.. గ్రేమ్ స్మిత్ లాంటి సార్ట్ లు ఆడనున్నారు. రిటైర్ అయ్యాక క్రికెట్ కు దూరమైన వారంతా బంతి.. బ్యాటు పట్టుకొని ఫీల్డ్ లోకి వస్తే..జనాలు విరగబడి చూసే అవకాశం ఉందిగా.

అందుకేనేమో.. జైల్లో ఉన్నప్పటికీ భార్య మాన్యత తో మాట్లాడి.. ఒక జట్టును కొనేశారు. అంటే.. పేరు మోసిన క్రికెటర్లు కొందరికి సంజయ్ దత్ నేరుగా బాస్ అన్న మాట. ప్రముఖులు జైల్లో ఉన్నా.. మరెక్కడ ఉన్నా వారు కోరుకున్నవేమీ దొరక్కుండా ఉండే ఛాన్స్ ఉండదన్న మాట.