కేసీఆర్‌ కు ఇంత స్పంద‌నా?

ఏపీలో కేసీఆర్ కు ఎలాంటి ఇమేజ్ ఉంది? సీమాంధ్ర గ‌డ్డ మీద కేసీఆర్ మాట్లాడితే ఎలా ఉంటుంది? అస‌లు ఆయ‌నేం మాట్లాడ‌తారు? ఇలాంటి ఎన్నో సందేహాలు ఎన్నో కోట్ల మందికి ఉన్నాయి. కొంద‌రైతే.. సీమాంధ్ర‌లో కేసీఆర్ ప్ర‌సంగం సాధ్యం కాద‌ని తేల్చేసినోళ్లు ఉన్నారు. అయితే.. అమ‌రావ‌తి శంకుస్థాప‌న పుణ్య‌మా అని అలాంటి ప్ర‌శ్న‌ల‌కు స‌మాధానాలు దొరికిపోయాయి.

అంతేకాదు.. కేసీఆర్ ను చూస్తే సీమాంద్ర ప్ర‌జ‌లు రియాక్ష‌న్ ఎలా ఉంటుందో కూడా తెలిసిపోయింది. కేసీఆర్ పేరు ప్ర‌స్తావించిన‌ప్పుడు.. ఆయ‌న ప్ర‌సంగం అని ప్ర‌క‌టించిన‌ప్పుడు స్పంద‌న భారీగా ఉండ‌టం గ‌మ‌నార్హం. కేసీఆర్ మాట వ‌చ్చిన‌ప్పుడు.. కేసీఆర్ మాట్లాడిన సంద‌ర్భంలోనూ సీమాంధ్ర ప్ర‌జ‌లు కేరింత‌లు కొట్ట‌టం విశేషం. ఈ రోజు అమ‌రావ‌తి ఇంత భారీగా రూపొంద‌టానికి కార‌ణం కేసీఆర్ అన్న అభిమాన‌మో.. లేక‌.. త‌మ అతిధిగా కేసీఆర్ మీద అభిమానం ప్ర‌ద‌ర్శించారో కానీ.. కేసీఆర్ ప్ర‌స్తావ‌న వ‌చ్చినప్పుడు మాత్రం స్పంద‌న భారీగా ఉండ‌టం గ‌మ‌నించాల్సిన అంశ‌మే సుమా. కేసీఆర్ కు వ‌చ్చిన స్పంద‌న చూసి.. తెలంగాణ ముఖ్య‌మంత్రికి ఇంత స్పంద‌నా? అని ఆశ్చ‌ర్య‌పోయిన వారు కూడా ఉన్నారు.