అవును.. ఒక్కరే శ్రీవారికి రూ.1.32కోట్ల విరాళం

ఆపద మొక్కుల వాడు.. అనాద రక్షకుడిగా.. భక్త వత్సలుడిగా పేరున్న తిరుమల తిరుపతి శ్రీ వేంకటేశ్వరస్వామికి ఉన్న క్రేజ్ ఎంతో తెలిసిందే. మొనగాడు లాంటి పారిశ్రామికవేత్తలు సైతం స్వామి శరణు కోసం రావటం.. ఆయన్ను దర్శనం చేసుకోవటం తెలిసిందే. ప్రపంచంలో అత్యంత సంపన్న దేవుడిగా పేరున్న తిరుమలేశుడికి ఒక భక్తుడు సింగిల్ గా భారీ విరాళం ఇవ్వటం చర్చనీయాంశంగా మారింది.

దుబాయ్ కు చెందిన శైలేష్ కుమార్ దాస్ అనే భక్తుడు తాజాగా శ్రీవారికి తాను ఒక్కడే రూ.1.32కోట్ల భారీ విరాళాన్ని ఇవ్వటం ఆసక్తికరంగా మారింది. తాను ఇవ్వాలనుకున్న భారీ మొత్తానికి సంబంధించిన డీడీలను టీటీడీ అధికారులకు అందజేశారు. మరి.. ఇంత భారీ మొత్తంలో విరాళం ఇచ్చిన భక్తుడికి టీటీడీ అధికారులు సత్కరించకుండా ఉంటారా? భారీగా.. సత్కరించిన స్వామి వారి తీర్థ ప్రసాదాలు ఇచ్చి పంపారు. ఏమైనా స్వామి వారికున్న క్రేజ్ అంతా ఇంతా కాదు సుమా.