జిగేల్ మంటున్న 'అబుదాబి' ... 'ఐపీఎల్' తోలి మ్యాచ్ కి రంగం సిద్ధం !

క్రికెట్ అభిమానులు .. ఎప్పుడెప్పుడా అని వెయ్యి కళ్లతో ఎదురుచూస్తున్న ఐపీఎల్ (ఇండియన్ ప్రీమియర్ లీగ్ ) సీజన్ 13 మరో మూడు రోజుల్లో ప్రారంభం కానుంది. సెప్టెంబర్ 19 న రాత్రి 7:30 నిముషాలకి తోలి మ్యాచ్ ప్రారంభం కాబోతుంది. ఈ నేపథ్యంలో మొదటి మ్యాచ్ కి ఆతిథ్యం ఇచ్చే దుబాయ్ లోని అబుదాబీ ముస్తాబయింది. మొదటి మ్యాచ్ షేక్ జాయేద్ క్రికెట్ స్టేడియంలో జరుగబోతుంది. ఈ స్టేడియాన్ని సర్వాంగ సుందరంగా తీర్చిదిద్దారు. రాత్రివేళ సమయంలో ఈ స్టేడియం కాంతి వెలుగులతో జిగేల్ మంటోంది. దీనికి సంబంధించిన ఫోటోలను బీసీసీఐ కార్యదర్శి జే షా సోషల్ మీడియాలో పంచుకున్నారు.

ప్రస్తుతం ఈ ఫోటోలు సోషల్ మీడియాలో చక్కర్లు కొడుతున్నాయి. ఇక ఈ సీజన్ లో మొదటి మ్యాచ్ సెప్టెంబర్ 19 ముంబై ఇండియన్స్ వర్సెస్ చెన్నై సూపర్ కింగ్స్ మధ్య జరగనుంది. ఇక ఇప్పటికే ఈ సీజన్ కు సంబంధించిన ఏర్పాట్లను బీసీసీఐ అధ్యక్షుడు సౌరవ్ గంగూలీ స్వయంగా పరిశీలించారు. మొత్తం 60 మ్యాచ్‌లు 53 రోజులతో ఐపీఎల్ జరగబోతుంది. మొత్తం మూడు వేదికలలోనే ఈ మ్యాచ్ లు జరగనున్నాయి. ఇక మొదటి అబుదాబిలో పిచ్ ఎక్కువగా స్పినర్లుకు అనుకులించనుంది.

ఇకపోతే , ఐపీఎల్ 2020 మార్చి 29 న ప్రారంభం కావాల్సి ఉంది. అయితే , ఆ సమయంలో దేశవ్యాప్తంగా కరోనా కేసులు పెరుతుండడంతో టోర్నీని ఏప్రిల్ 15 వరకు వాయిదా వేసింది. అయినప్పటికీ కరోనావైరస్ మహమ్మారి మరింతగా పెరగడంతో ఇండియాలో ఐపీఎల్ నిర్వహణ కష్టం అయిన భావించి చివరికి దుబాయ్ లో నిర్వహించాలని నిర్ణయించారు. ఇప్పటికే అన్ని జట్లు దుబాయ్ కి చేరుకొని .. క్వారంటైన్ పూర్తి చేసుకొని , ప్రాక్టీస్ చేస్తున్నాయి.