వామ్మో.. డ్యాన్స్​ ఇలా కూడా చేస్తారా?

మనం ఇప్పటివరకు రకరకాల డ్యాన్స్​ లు చూసి ఉంటాం. శరీరాన్ని వివిధ భంగిమల్లో తిప్పేవాళ్లను.. తీగల మీద డ్యాన్స్ లు చేసే వాళ్లను చూసి ఉంటాం. కానీ ఓ అమ్మాయి ఏకంగా నీటిలో డ్యాన్స్​ చేసింది. నీటిలో కొద్దిసేపు ఉండటమే మనకు చాలా కష్టం. ఎందుకంటే అక్కడ ఆక్సిజన్​ ఉండదు. మనకు ఊపిరి ఆడదు. ఓ అమ్మాయి దాదాపు మూడు నిమిషాల పాటు నీటిలో డ్యాన్స్​ చేసి రికార్డు నెలకొల్పింది. ఇందుకు సంబంధించిన వీడియో సోషల్​ మీడియాలో వైరల్​ గా మారింది.

ఈ అమ్మాయి ప్రతిభను చూసి అంతా ఆశ్చర్యపోతున్నారు. నీటిలో ఓ నిమిషం ఉండటమే ఎంతో కష్టమైన పని. అటువంటిది. ఏకంగా నీటి అడుగుభాగంలో మూడు నిమిషాలపాటు మ్యూజిక్​ కు అనుగుణంగా తన శరీరాన్ని తిప్పుతూ ఓ అమ్మాయి డ్యాన్స్​ చేయడం చూసి ఏకంగా ప్రపంచమే నివ్వెరపోయింది. అసలు ఈ అమ్మాయి నిజంగా డ్యాన్స్​ చేసిందా? లేక ఏదన్నా గ్రాఫిక్స్​ ఎఫెక్టా అని కూడా కొంతమంది సందేహించారంటే .. ఆమె పర్​ఫామెన్స్​ ఏ రేంజ్​లో ఉందో ఊహించుకోవచ్చు.

ఫ్రాన్స్​కు చెందిన అరియాడినో హఫీజ్ ఓ గొప్ప డ్యాన్సర్​. అందరిలా డాన్స్​ చేస్తే తన గొప్పతనం ఏముంది? అందుకే విభిన్నంగా ఆలోచించింది. నీటి అడుగుభాగంలో డ్యాన్స్​ చేయాలని ఫిక్స్​ అయింది. ఇందుకోసం ఓ తానే ఓ డ్యాన్స్​ను కంపోజ్​ చేసుకున్నది. ఇక నీటి అడుగుభాగంలో డ్యాన్స్​ చేసి శబాష్​ అనిపించుకున్నది. ఈ వీడియోకు బాస్టియన్​ సోలైల్​ దర్శకత్వం వహించారు. అయితే నీటిలో చేసిన ఈ డ్యాన్స్​ షూటింగ్​ ఎంతో కష్టంగా తీశారట. యూనిట్​ సభ్యులు 120 సార్లు బయటకు రావాల్సి వచ్చిందట. అంటే వాళ్లు ఎంత కష్టపడ్డారో అర్థమవుతోంది.

ప్రస్తుతం ఈ వీడియో వైరల్​ గా మారింది. చక్కటి లైటింగ్​. నీటిలో డ్యాన్స్​ కు నప్పే కాస్ట్యూమ్స్​ ఈ వీడియోను మరింత ఆకర్షణీయంగా తయారుచేశాయి. ఏది ఏమైనప్పటికీ నీటిలో డ్యాన్స్​ చేయడం మామూలు విషయం కాదని చాలా మంది ఈ యువతిని మెచ్చుకుంటున్నారు. ఆమె సాహసానికి జోహార్లు చెబుతున్నారు. డ్యాన్స్​ అందరూ చేస్తారు.. కానీ వినూత్నంగా చేయాలన్న ఆమె ఆలోచనే ఇప్పుడు ఆమెను స్టార్​ ను చేసింది.