ఏపీలో బస్సు ప్రమాదం.. షాకింగ్ నిజాలు

ఏపీలోని పశ్చిమ గోదావరి జిల్లాలో ఆర్టీసీ బస్సు ఘోర ప్రమాదానికి అసలు కారణాలు తెలిసాయి. జంగారెడ్డిగూడెం సమీపంలో డివైడర్ ను ఢీకొన్న ఆర్టీసీ బస్సు అదుపుతప్పి జల్లేరు వాగులో పడిపోయింది. అశ్వారావుపేట నుంచి జంగారెడ్డిగూడెం వెళుతుండగా ఈ ప్రమాదం చోటుచేసుకుంది.

ఈ ఘటనలో బస్సు డ్రైవర్ చిన్నారావు, 9మంది ప్రయాణికులు సహా మొత్తం 10 మంది మృతిచెందారు. మరికొందరి పరిస్థితి విషమంగా ఉంది. అయితే ఈ ప్రమాదానికి కారణంగా సంచలన విషయాలు వెలుగులోకి వస్తున్నాయి.

ప్రమాదంలో డ్రైవర్ పక్కనే కూర్చున్న గాయపడిన సోమశేఖర్ అనే వ్యక్తి అసలు నిజాలను బయటపెట్టాడు. బస్సు స్టీరింగ్ పట్టడం వల్లే ఈ ప్రమాదం జరిగిందని.. డ్రైవర్ ఎంత ట్రై చేసినా స్టీరింగ్ తిరగలేదని తెలిపాడు.

స్టీరింగ్ పట్టడంతో ఒకవైపు బస్సు వెళ్లిపోయిందన్న ప్రత్యక్ష సాక్షి.. బస్సు మెయింటనెన్స్ సరిగా లేదన్నారు. గతంలో కూడా ఈ బస్సుకు స్టీరింగ్ పట్టినట్లు చెబుతున్నారని.. ఆర్టీసీ యాజమాన్యం నిర్లక్ష్యం వల్లే ఈ ప్రమాదం జరిగిందని ఆవేదన వ్యక్తం చేశాడు.

ఇక జల్లేరు వద్ద బ్రిడ్జిపై రెయిలింగ్ లేకపోవడం కూడా ఈ ప్రమాదానికి కారణంగా ప్రయాణికులు తెలిపారు. మొత్తంగా ప్రమాదానికి ఆర్టీసీ నిర్లక్ష్యం.. బస్సు అస్తవ్యస్థంగా ఉండడమే కారణమని తెలుస్తోంది.