గుండె జారిపోయేలా షాకిచ్చే వైర‌ల్ వీడియో!

అస‌లే వానాకాలం. వ‌ర్ష తీవ్ర‌త ఎక్కువ‌గా ఉన్న‌ప్పుడు.. రోడ్ల మీద వ‌ర్ష‌పు నీరు ఎంత జోరుగా ప్ర‌వ‌హిస్తూ ఉంటుందో ప్ర‌త్యేకించి చెప్పాల్సిన అవ‌స‌రం లేదు. న‌గ‌రాల్లో రోడ్లు త‌టాకాల్ని త‌ల‌పిస్తాయి. ఇక‌.. గ్రామీణ ప్రాంతాల్లో.. ప‌ట్ట‌ణ ప్రాంతాల్లో వాగులు.. వంక‌లు వ‌ర‌ద‌నీటితో అమిత‌మైన వేగంతో వెళుతుంటాయి. ఇలాంటి వేళ‌.. ఎంత కేర్ ఫుల్ గా ఉండాలో చెప్పే వీడియోగా దీన్ని చెప్పాలి.

ఈ వీడియోను చూసే ముందు మీ గుండెను కాస్త గ‌ట్టిగా ప‌ట్టుకోండి. మీరు ఊహించ‌ని రీతిలో చోటు చేసుకునే ప్ర‌మాదాలు ఎలా పొంచి ఉంటాయో తాజా వీడియోచెప్పేస్తుంది. చూసేందుకు బ‌లంగా ఉన్న‌ట్లుగా ఉండే రోడ్డు.. చిన్న బైక్ దాని మీద వెళ్లినంత‌నే కుప్ప‌కూలిపోయిన వైనం చూస్తే.. షాకింగ్ గా అనిపించ‌క మాన‌దు.

కొలంబియాకు చెందిన ఈ వీడియోలో ఇద్ద‌రు ఆర్మీ జ‌వాన్లు కిన‌క్ డైలీ.. సాక్ వెండీలు ఫ‌స్ట్ ఇన్ఫెట్రీ డివిజ‌న్ కు చెందిన వారు. వీరిద్ద‌రూ థామ‌ర్ కెవ్ గ్రామంలోని న‌ది మీదుగా బైక్ పై వెళుతున్నారు. వీరుప్ర‌యాణించే మార్గంలో కింద న‌దిలో వ‌ర‌ద ఉధృతి జోరుగా సాగుతోంది. అమిత‌మైన వేగంతో నీళ్లు ప్ర‌వ‌హిస్తున్నాయి. ఇదిలా ఉంటే.. బైక్ మీద వెళుతున్న వారు.. వంతెన మీద నుంచి వెళుతున్నారు.

ఉన్న‌ట్లుండి ఆ వంతెన ఒక్క‌సారిగా కుప్ప‌కూలిపోవ‌టంతో.. వారిద్ద‌రూ బైక్ తో స‌హా వ‌ర‌ద నీటి ఉధృతితో కొట్టుకుపోయారు. వారు న‌దిలో మునిగి 24 గంట‌లు దాటుతున్నా.. ఇప్ప‌టివ‌ర‌కూ వారి ఆచూకీ బ‌య‌ట‌కు రాలేదు. ఒళ్లు జ‌ల‌ద‌రించేలా ఉన్న ఈ వీడియో ఇప్పుడు వైర‌ల్ గా మారింది. ప్ర‌స్తుతం న‌దిలో ప‌డ్డ సైనిక జ‌వాన్ల కోసం వెతుకుతున్నా.. ఇప్ప‌టివ‌ర‌కూ వారి ఆచూకీ వెల్ల‌డి కాలేదు. వాన‌ల కాలంలో ఆచితూచి అన్న‌ట్లుగా అడుగులు వేయాలి. ఏ మాత్రం తేడా వ‌చ్చినా ప్రాణాల‌కే ప్ర‌మాదం పొంచి ఉంటుంద‌న్న‌ది మ‌ర్చిపోకూడ‌దు.