ఆ సీఎం డ్యాన్స్ వీడియో ఎంత వైర‌ల్ అయిందంటే..

ప్ర‌స్తుత ప‌రిస్థిత్తులో ఎవ‌రికైనా క‌ర్ణాట‌క గురించి ప్ర‌స్తావిస్తే వెంట‌నే గుర్తుకు వ‌చ్చేది...ఆ రాష్ట్రంలో జ‌రుగుతున్న ఎన్నిక‌ల గురించి, హాట్ హాట్ విమ‌ర్శ‌ల గురించి. కానీ దీనికి భిన్నంగా ఇప్పుడు ఓ డ్యాన్స్ వీడియో వైర‌ల్ అవుతోంది. అది కూడా ఎవ‌రిదో కాదు...సాక్షాత్తు ఆ రాష్ట్ర సీఎం సిద్ధ‌రామ‌య్య‌ది. ఓ వైపు ప్రజా సమస్యలు మ‌రోవైపు ఎన్నిక‌ల వ్యూహాల‌తో ఎప్పుడూ బిజీగా ఉండే సీఎం సిద్ధ‌రామ‌య్య‌...దుమ్మురేపే స్టెప్పులు వేశారు. బ‌హిరంగ స‌భ‌ల్లో కాదు లేండి. స‌న్నిహితుల మ‌ధ్యే. అయితేనేం...ఆ వీడియో బ‌ట‌య‌కు వ‌చ్చింది...సోష‌ల్ మీడియాలో వైరల్ అయింది.

తన సొంత జిల్లా మైసూరుకు ఇటీవ‌ల‌ వెళ్లిన సిద్ధ‌రామ‌య్య ఈ సంద‌ర్భంగా త‌న స్నేహితుల‌తో మాటా మంతి క‌లిపారు. ఈ సంద‌ర్భంగా వారి మ‌ధ్య గెట్ టు గెద‌ర్ నిర్వ‌హించారు. అక్క‌డే స్నేహితుల‌తో క‌లిసి డ్యాన్స్ చేశారు. త‌న స‌హ‌జ శైలి అయిన పంచెక‌ట్టులో సిద్ధ‌రామ‌య్య స్టెప్పులు వేశారు. సన్నిహితుల మ‌ధ్య జ‌రిగిన ఈ వీడియో బ‌య‌ట‌కు వ‌చ్చి వైర‌ల్ అయింది. ఈ వీడియో గురించి సిద్ధ‌రామ‌య్య సన్నిహితులు స్పందిస్తూ చిన్న‌త‌నంలో ఆయ‌న‌కు నాట‌కాల అభిరుచి ఉండేద‌ని, దాన్ని త‌మ దోస్తుల‌తో క‌లిసిన సంద‌ర్భంగా సీఎం సిద్ధ‌రామ‌య్య కొన‌సాగించార‌ని చెప్పారు. త‌మ‌తో స‌ర‌దాగా క‌లిసిపోయేందుకే ఇలా చేశార‌ని చెప్తున్నారు. ఇక ఈ వీడియోపై ప‌లువురు మెచ్చుకుంటుంటే..ఇంకొంద‌రు సీఎం స్థాయిలో ఉండి ఇదేం ప‌ని అంటూ కామెంట్లు చేస్తున్నారు.

వీడియో కోసం క్లిక్ చేయండి