స్నేక్ కింగ్ ను శ్వేతనాగు కాటేసింది

ప్రమాదకరమైన పనుల్ని సింపుల్ గా చేసే వారు కొందరుంటారు. అయితే.. ఇలాంటి వారంతా ప్రమాదవశాత్తు ప్రాణాల మీదకు తెచ్చుకుంటారు. ఎన్నో పాముల్ని తన నైపుణ్యంతో పట్టుకొని బంధించే స్నేక్ కింగ్ గా సుపరిచితుడైన స్నేక్ కిరణ్ తాజాగా ప్రమాదానికి గురయ్యాడు. కర్ణాటకలోని శివమొగ్గ సమీపంలో న్యూ మండ్లీ లే ఔట్ వద్ద కొత్తగా ఏర్పాటు చేస్తున్న భవనం వద్ద ఒక శ్వేతనాగు కనిపించింది. దీంతో వారు.. కిరణ్ కు సమాచారం అందించారు.

హుటాహుటిన అక్కడకు చేరుకున్నకిరణ్.. అరుదైన శ్వేతనాగును చాకచక్యంగా పట్టుకొని ప్రత్యేక సీసాలోకి వదిలాడు. అయితే.. చివర్లో మెరుపు వేగంగా కదిలిన శ్వేతనాగు కిరణ్ ను కాటేసింది. వెంటనే అతడ్ని సమీపంలో ఆసుపత్రికి తరలించి వైద్యం చేస్తున్నారు. అత్యంత అరుదైన శ్వేతనాగు చాలా వేగంతో స్పందిస్తుంటాయని వాటిని డీల్ చేయటం చాలా కష్టమని చెబుతారు. ఎన్నో పాముల్ని ఒడుపుగా పట్టుకునే పేరున్న కిరణ్ ఆరోగ్యం ప్రస్తుతం విషమంగా ఉందని చెబుతున్నారు. అతడి ఆరోగ్యం కోలుకోవాలని అశిద్దాం.