Begin typing your search above and press return to search.
తెలంగాణ ఎన్నిక‌లు..సోనియా కీల‌క పిలుపు
By: Tupaki Desk | 5 Dec 2018 6:45 AM GMT
హోరాహోరిగా సాగుతూ పోలింగ్‌కు గ‌డువు స‌మీపిస్తున్న తెలంగాణ ఎన్నికల ప‌ర్వంలో తుది ఘ‌ట్టం స‌మీపిస్తున్న సంగ‌తి తెలిసిందే. కీల‌కమైన ప్ర‌చార‌ప‌ర్వం ముగుస్తుండ‌టం, పోలింగ్‌కు స‌మ‌యం ద‌గ్గ‌ర‌ప‌డుతుండ‌టంతో ఆయా పార్టీలు ఫినిషింగ్ ట‌చ్ ఇచ్చేందుకు సిద్ధ‌మ‌వుతున్నాయి. ఈ త‌రుణంలో కాంగ్రెస్ నాయ‌కురాలు, యూపీఏ చైర్‌ప‌ర్స‌న్ సోనియాగాంధీ కీల‌క ప్ర‌క‌ట‌న చేశారు. ఇప్ప‌టికే ఓ ద‌ఫా ప్ర‌చారం నిర్వ‌హించిన సోనియా తాజాగా ఓ వీడియో ద్వారా తన సందేశం అందించారు. తెలంగాణ భవిష్యత్ను నిర్దేశించే ఎన్నికల విష‌యంలో జాగ్ర‌త్త‌గా ఓటువేయాల‌ని కోరారు. ట్విట్ట‌ర్‌లో ఈ మేర‌కు సోనియా వీడియో సందేశాన్ని పోస్ట్ చేశారు.
ప్ర‌చారం గ‌డువు ముగుస్తున్న నేప‌థ్యంలో యూపీఏ ఛైర్‌పర్సన్‌ సోనియాగాంధీ తెలంగాణ ఓటర్లను ఉద్దేశిస్తూ వీడియో సందేశాన్ని విడుదల చేశారు. ప్రజాకూటమే ప్రజల గొంతు వినిపిస్తుందన్నారు. నాలుగున్నరేళ్ల క్రితం తెలంగాణ ఏర్పాటులో తన పాత్రా ఉందన్న సోనియా.. అధికారంలో ఉన్నవాళ్లు తెలంగాణ ప్రజలను మోసం చేశారని అన్నారు. ఇప్పుడు వేసే ప్రతి ఓటు తెలంగాణ ప్రజల భవిష్యత్ ను నిర్ధేశిస్తుందని సోనియా అభిప్రాయపడ్డారు. 'మీరు ఎన్నుకునేది మీ ఎమ్మెల్యేలను కాదు.. మీ భవిష్యత్ను కూడా..' అని ఆ వీడియోలో సోనియా వివరించారు. 'ప్రజాకూటమి తెలంగాణ ప్రజల కూటమి' అని, కూట‌మికి ఓటు వేయాల‌ని కోరారు.
ప్ర‌చారం గ‌డువు ముగుస్తున్న నేప‌థ్యంలో యూపీఏ ఛైర్‌పర్సన్‌ సోనియాగాంధీ తెలంగాణ ఓటర్లను ఉద్దేశిస్తూ వీడియో సందేశాన్ని విడుదల చేశారు. ప్రజాకూటమే ప్రజల గొంతు వినిపిస్తుందన్నారు. నాలుగున్నరేళ్ల క్రితం తెలంగాణ ఏర్పాటులో తన పాత్రా ఉందన్న సోనియా.. అధికారంలో ఉన్నవాళ్లు తెలంగాణ ప్రజలను మోసం చేశారని అన్నారు. ఇప్పుడు వేసే ప్రతి ఓటు తెలంగాణ ప్రజల భవిష్యత్ ను నిర్ధేశిస్తుందని సోనియా అభిప్రాయపడ్డారు. 'మీరు ఎన్నుకునేది మీ ఎమ్మెల్యేలను కాదు.. మీ భవిష్యత్ను కూడా..' అని ఆ వీడియోలో సోనియా వివరించారు. 'ప్రజాకూటమి తెలంగాణ ప్రజల కూటమి' అని, కూట‌మికి ఓటు వేయాల‌ని కోరారు.
