పూనమ్ కౌర్.. పబ్లిసిటీ కోసమా?!

జనాలు దాదాపుగా మరిచిపోయిన నటి పూనమ్ కౌర్. ఎప్పుడో చిన్న చిన్న సినిమాల్లో నటించిన ఈమె అనూహ్యంగా ఇప్పటికీ వార్తల్లో ఉండగలుగుతూ ఉన్నారు. ఈమెకు సంబంధించిన రూమర్లే ఇన్నాళ్లు ఈమెను వార్తల్లో నిలుపుతున్నాయనేది ఒక విశ్లేషణ.

ఇక వెబ్ మీడియాలో పూనమ్ కౌర్ గురించి ఇంత చర్చ జరగడానికి కూడా ఈమె పెట్టిన కొన్ని పోస్టులే కారణం. ఒక ప్రముఖ హీరోకీ ఈమెకూ సమ్ థింగ్.. సమ్ థింగ్.. అనేది ఒక రూమర్. ఆ రూమర్ బేస్ లెస్ అనుకున్నా… దాన్ని వార్తల్లో నిలిపేందుకు పూనమ్ కౌర్ తనవంతు కృషి  చేసిందని అంటారు.

సోషల్ మీడియాను వేదికగా చేసుకుని పూనమ్ కౌర్ కొన్ని రకాల పోస్టులతో ఆ హీరోకి - తనకు ఏదో అనుబంధం ఉందనే అనుమానాలను కలిగించే పోస్టులు పెట్టిన దాఖలాలు ఉన్నాయి.  ఆ అంశం గురించి వీలైనంతగా చర్చ జరిగేందుకు ఈ హీరోయినే ప్రయత్నాలు సాగించిందని అంటారు.

కొన్ని పోస్టులు పెట్టడం - వాటిని డిలీట్ చేయడం.. వంటి చర్యలతో పూనమ్ కావాలని కొన్ని అనుమానాలను రేగించే ప్రయత్నం చేసినట్టుగా చెబుతారు. దీంతో ఆమె గురించి మరింతగా ప్రచారం జరిగింది
 
రెండేళ్ల నుంచి అది కొనసాగుతూనే ఉంది. అయితే అప్పుడంతా పూనమ్ దాన్ని పట్టించుకోలేదు. ఇప్పుడు ఉన్నట్టుండి ఫిర్యాదులు చేసింది ఈ నటి. మరి ఇన్ని రోజులూ ఈ ప్రచారం గురించి పూనమ్ కు తెలియనిదా? ఇప్పుడే ఈమె ఎందుకు హడావుడి చేస్తున్నారు? అంటే.. ఇదీ ఒక రకంగా పబ్లిసిటీ స్టంట్ అనే కామెంట్లు వినిపిస్తూ ఉన్నాయి!