జొమాటో ఘ‌ట‌నపై స్పూఫ్.. వైర‌ల్ అవుతున్న వీడియో!

స్పూఫ్ చేయడానికి కాదేది అనర్హం అంటున్నారు క్రియేటర్స్. సబ్జెక్ట్ ఏదైనా తమదైన తరహాలో తిరగేస్తూ కామెడీ పండిస్తున్నారు. ఇప్పుడు అలాంటి మ‌రో వీడియో వైర‌ల్ గా మారింది. ఇటీవ‌ల జొమాటో ఫుడ్ డెలివ‌రీ బాయ్ త‌న‌పై దాడిచేశాడంటూ బెంగ‌ళూరుకు చెందిన‌ యువ‌తి వీడియో పోస్టు చేసి, సంచల‌నం రేకెత్తించిన విష‌యం తెలిసిందే.

ఫుడ్ డెలివ‌రీ చేయ‌డానికి వ‌చ్చిన స‌ద‌రు వ్య‌క్తి.. త‌న‌తో దురుసుగా ప్ర‌వ‌ర్తించాడ‌ని, ఇంట్లోకి వ‌చ్చి త‌న‌ను దారుణంగా కొట్టాడ‌ని, అందుకే ముక్కు ప‌గిలిందంటూ ర‌క్తం కారుతున్న ఫేస్ తో ఆమె వీడియో చేసింది. ఈ ఘ‌ట‌న ఒక్కసారిగా దేశ‌వ్యాప్త‌మైంది. అయితే.. తానేం చేయ‌లేద‌ని, త‌న నుంచి ఫుడ్ తీసుకున్న యువ‌తి.. డ‌బ్బులు ఇవ్వ‌నంటూ తిట్టింద‌ని, చెప్పుతో కూడా కొట్టింద‌ని ఏడుస్తూ చెప్పాడు స‌ద‌రు డెలివ‌రీ బాయ్‌.

ఈ విష‌యంలో నెటిజ‌న్లు రెండు గ్రూపులుగా విడిపోయారు. బాలీవుడ్ హీరోయిన్ ప‌రిణీతిస‌హా కొంద‌రు డెలివ‌రీ బాయ్ కు అండ‌గా నిలిస్తే.. మ‌రికొంద‌రు ఆ యువ‌తికి స‌పోర్టు చేస్తున్నారు. ప్ర‌స్తుతానికి ఈ వివాదం కొన‌సాగుతోంది. అయితే.. ఇదే అంశంపై కొంద‌రు స్పూఫ్ వీడియో చేశారు. డెలివ‌రీ బాయ్ రావ‌డం.. యువ‌తి ఆర్డ‌ర్ తీసుకోవడం త‌ర్వాత‌.. ఏం జ‌రిగి ఉంటుంద‌ని ఫ‌న్నీ వీడియో చేశారు. ఇది ప్ర‌స్తుతం ట్రెండింగ్ లో ఉంది. మీరు కూడా ఓ లుక్కేయండి.