కుక్కలు చింపిన బాడీ..హైదరాబాద్ లో దారుణం

హైదరాబాద్ లో దారుణం జరిగింది. వీధికుక్కలు ఓ ప్రాణాన్ని పీక్కుతిన్న సంఘటన కలిచివేసింది. ఈ ఘటన హైదరాబాద్ లోని బంజారాహిల్స్ రోడ్ నంబర్ 13లోని ఓ వీధిలో చోటుచేసుకుంది.

బంజారాహిల్స్ లో ఉండే నివాసముండే ప్రైవేట్ ఉద్యోగి అలీ శనివారం సెకండ్ షో సినిమా చూసి తిరిగి వస్తున్నాడు. రాత్రి 2.15 గంటల ప్రాంతంలో తన ఇంటి వద్ద కుక్కలు ఓ బాడీని పీక్కుతింటుండడం చూశాడు. ఆ కుక్కలు ఆ బాడీ కోసం కొట్టుకుంటుండడంతో దగ్గరికి వెళ్లి తరిమికొట్టారు. తీరా చూస్తే అదొక పసికందు శవం.

దీనిపై వెంటనే బంజారాహిల్స్ పోలీసులకు అలీ సమాచారం అందించాడు. అక్కడికి వచ్చిన పోలీసులు కేసు నమోదు చేసుకొని ఆ పసికందు మృతదేహాన్ని ఉస్మానియా ఆస్పత్రికి తరలించారు.

పసికందు రాత్రి వేళ అక్కడ ఎవరు వదిలివెళ్లారనే విషయంపై సీసీ కెమెరాలను పరిశీలిస్తున్నామని.. త్వరలోనే దీన్ని నిగ్గు తేలుస్తామని బంజారాహిల్స్ ఎస్సై శ్రీనివాస్ తెలిపారు.