క్రికెట్ లో ఫెయిల్.. అందమైన భార్యను పట్టడంలో ఆ క్రికెటర్ పాస్!

టీమిండియా వెటరన్ క్రికెటర్ స్టువర్ట్ బిన్నీ అంతర్జాతీయ క్రికెట్ కు వీడ్కోలు పలికాడు. క్రికెట్ లో అన్ని ఫార్మాట్ ల నుంచి తప్పుకుంటున్నట్టు సోమవారం ప్రకటించాడు. స్టువర్ట్ బిన్నీ భారత్ తరుఫున 6 టెస్టులు, 14 వన్డేలు , 3 టీ20లు ఆడాడు. చివరి సారిగా 2016లో అమెరికాలో వెస్టిండీస్ పై టీ20 మ్యాచ్ ఆడిన బిన్నీ.. ఆ మ్యాచ్ లో ఒకే ఓవర్ లో ఐదు సిక్సర్లు సమర్పించుకున్నాడు. ఆపై జట్టులో చోటు కోల్పోయాడు. ఐదేళ్ల తర్వాత బిన్నీ అంతర్జాతీయ క్రికెట్ కు రిటైర్ మెంట్ ప్రకటించాడు.బిన్నీ ఐపీఎల్ లో పలు జట్లకు ఆడాడు.

అయితే క్రికెట్ లో అంతగా రాణించకుండా ఫెయిల్ అయిన క్రికెటర్ స్టువర్ట్ బిన్నీ వ్యక్తిగత జీవితంలో మాత్రం స్టార్ కామెంటేటర్ మయంతి లాంగర్ ను ప్రేమ ముగ్గులోకి దించి పెళ్లి చేసుకున్నాడు. ప్రస్తుతం వీరిద్దరూ అన్యోన్యంగా జీవిస్తున్నారు. తాజాగా ఇన్ స్టాలో మయంతి చేసిన పోస్ట్ వైరల్ గా మారింది.

ప్రస్తుతం ఇంగ్లండ్ సిరీస్ లో స్వింగ్ కింగ్ జేమ్స్ అండర్సన్ బౌలింగ్ లో పరుగులు చేసేందుకు ఇబ్బంది పడుతూ వికెట్లు సమర్పించుకుంటున్న భారత స్టార్ ఆటగాళ్లపై మయంతి సెటైర్లు వేశారు. తన భర్త స్టువర్ట్ బిన్నీ బౌండరీ బాదితే.. అతడికి బౌలింగ్ చేయలేక అండర్సన్ అసహనంతో తల పట్టుకున్న ఫొటోను మయంతి తాజాగా తన ఇన్ స్టాలో పోస్ట్ చేసింది. ఈ ఫొటో 2014 ఇంగ్లండ్ పర్యటనలో తొలి టెస్ట్ రెండో ఇన్సింగ్స్ సందర్భంగా తీసింది. ఈ మ్యాచ్ ద్వారానే టెస్ట్ క్రికెట్ లోకి బిన్నీ అరంగేట్రం చేశాడు. తొలి ఇన్నింగ్స్ లో ఒక్క పరుగుకే పెవిలియన్ కు చేరినా.. రెండో ఇన్నింగ్స్ లో 78 పరుగులతో రాణించాడు.

తన భర్తను పొగుడుతూ భారత స్టార్ ఆటగాళ్లపై సెటైర్లు వేసిన మయంతి పోస్టుపై నెటిజన్లు తీవ్ర ఆగ్రహం వ్యక్తం చేస్తున్నారు. ఈరోజు స్టువర్ట్ బిన్నీ అంతర్జాతీయ క్రికెట్ కు వీడ్కోలు పలకడంతో అతడితోపాటు మయంతిని నెటిజన్లు ఓ ఆట ఆడుకుంటున్నారు.మీమ్స్, కామెంట్లతో సోషల్ మీడియాను హోరెత్తిస్తున్నారు. ‘క్రికెట్లో ఏం సాధించని బిన్నీ.. అందమైన భార్యను మాత్రం పట్టావ్’ అంటూ కామెంట్స్ చేస్తున్నారు.. మయంతిని మాత్రం బాగా పట్టావ్అని కామెంట్ చేస్తున్నారు.