కాంగ్రెస్ అభ్య‌ర్థికి సూప‌ర్ స్టార్ మ‌ద్ద‌తు?

తెలంగాణ‌లో ముంద‌స్తు ఎన్నిక‌ల న‌గారా మోగిన సంగ‌తి తెలిసిందే. దీంతో, ఇప్ప‌టివ‌ర‌కు న‌త్త‌న‌డ‌క‌న సాగుతోన్న ప్ర‌చార హోరును అన్ని పార్టీలు ప‌రుగులు పెట్టిస్తున్నాయి. ఇప్ప‌టికే టిక్కెట్లు ఖ‌రారైన ఆయా పార్టీల నేత‌లు త‌మ నియోజక‌వ‌ర్గాల్లో ప్ర‌చార కార్య‌క్ర‌మాల్లో బిజీబిజీగా గ‌డిపేస్తున్నారు. ఈ క్ర‌మంలోనే స్టార్ క్యాంపెయిన‌ర్ల మ‌ద్ద‌తు కూడ‌గ‌ట్టేందుకు కొంద‌రు నేత‌లు ప్ర‌య‌త్నాలు చేస్తున్నారు. తాజాగా, త‌న‌కు మ‌ద్ద‌తు తెల‌పాల్సిందిగా సూప‌ర్ స్టార్ కృష్ణను శేరిలింగంప‌ల్లి కాంగ్రెస్ ఎమ్మెల్యే టికెట్ ఆశావ‌హ అభ్య‌ర్థి భిక్ష‌ప‌తి యాద‌వ్ కోరార‌ట‌. అందుకు, కృష్ణ గారు కూడా సానుకూలంగా స్పందించార‌ట‌. త‌న ప్ర‌చారంలో భాగంగా అక్క‌డ ప‌ర్య‌టించిన భిక్ష‌ప‌తి యాద‌వ్...కృష్ణ గారి ఇంటికి వెళ్లి ఆయ‌న‌ను క‌లిశార‌ట‌.

2009 ఎన్నిక‌ల్లో కాంగ్రెస్ త‌ర‌ఫున శేరిలింగంప‌ల్లి ఎమ్మెల్యేగా భిక్ష‌ప‌తి యాద‌వ్ గెలుపొందారు. 2014 ఎన్నిక‌ల్లో టీడీపీ అభ్య‌ర్థి అరికెపూడి గాంధీ అక్క‌డ విజ‌యం సాధించారు. అయితే, ఆ త‌ర్వాత టీఆర్ ఎస్ లోకి జంప్ చేసిన గాంధీ...ఈ సారి టీఆర్ ఎస్ త‌ర‌ఫున బ‌రిలోకి దిగ‌బోతున్నారు. దీంతో - శేరిలింగంప‌ల్లి టికెట్ ను భిక్ష‌ప‌తి యాద‌వ్ ఆశిస్తున్నార‌ట‌. అంతేకాదు - ఆల్రెడీ ప్ర‌చారం మొద‌లు పెట్టిన భిక్ష‌ప‌తి యాదవ్...ఏకంగా కృష్ణ‌గారిని క‌లిసి త‌న‌కు మ‌ద్ద‌తివ్వాల్సిందిగా కోరార‌ట‌. 80వ ద‌శ‌కంలో కాంగ్రెస్ ఎంపీగా ప‌నిచేసిన కృష్ణ‌గారు...అందుకు సానుకూలంగా స్పందించిన‌ట్లు తెలుస్తోంది. అయితే, మ‌హాకూట‌మి పొత్తుల్లో భాగంగా శేరిలింగంప‌ల్లి టికెట్ టీడీపీకి ద‌క్కే అవ‌కాశ‌ముంద‌ని ఊహాగాలు వ‌స్తోన్న సంగ‌తి తెలిసిందే. ఆ స్థానం నుంచి `భ‌వ్య`ఆనంద ప్ర‌సాద్ కు టికెట్ క‌న్ ఫ‌ర్మ్ అయింద‌ని పుకార్లు వ‌స్తున్నాయి. మ‌రి, భిక్ష‌ప‌తికి టికెట్ ద‌క్కుతుందో లేదో తెలియాలంటే మ‌రికొన్ని రోజులు వేచి చూడ‌క త‌ప్ప‌దు.