సంచ‌ల‌నంగా మారిన స్వామిజీ.. న‌టి రాస‌లీల‌లు

స్వామిజీల మీద ఆరోప‌ణ‌లు రావ‌టం.. వారి నైతిక‌త మీద విమ‌ర్శ‌లు వెల్లువెత్త‌టం మామూలే. అధ్యాత్మిక వేత్త‌లుగా అంద‌రి మ‌న్న‌న‌లు అందుకునే ఇలాంటి వారి చీక‌టి భాగోతాలు కొన్ని బ‌య‌ట‌కు వ‌స్తూ.. వారి మీద గౌర‌వం త‌గ్గేలా చేస్తుంటాయి. తాజాగా అలాంటి ఉదంత‌మే ఒక‌టి బ‌య‌ట‌కు వ‌చ్చి తీవ్ర సంచ‌ల‌నంగా మారింది.

క‌న్న‌డ మీడియాలో హాట్ టాపిక్ గా మారిన ఈ ఇష్యూలోకి వెళితే.. ఎల్లంక ప్రాంతంలోని మ‌ద్దెవ‌న‌పుర మ‌ఠ ఆశ్ర‌మానికి చెందిన ప‌ర్వ‌త‌రాజ్ శివాచార్య స్వామి నుంచి వార‌స‌త్వంగా బాధ్య‌త‌లు స్వీక‌రించిన ఆయ‌న త‌న‌యుడు నంజేశ్వ‌ర స్వామిజీ అలియాస్ ద‌యానంద్‌.. ఒక యువ‌తిలో అభ్యంత‌ర‌క‌ర స్థితిలో ఉన్న వీడియో బ‌య‌ట‌కు వ‌చ్చింది. స‌ద‌రు వీడియోలో ఉన్న యువ‌తిని న‌టిగా భావిస్తున్నారు.

స్వామిజీ చీక‌టి భాగోతాన్ని బ‌య‌ట‌పెట్టేందుకు ప‌క్కా ప్లాన్ తోనే ర‌హ‌స్య కెమేరాల‌తో రికార్డు చేసిన‌ట్లుగా భావిస్తున్నారు. ఇప్ప‌టికే మ‌ఠానికి చెందిన భూముల అవ‌క‌త‌వ‌క‌ల్లో స్వామిజీ పేరు ప్ర‌ముఖంగా వినిపిస్తోంది. ఇదిలా ఉంటే ద‌యానంద్ రాస‌లీల‌లు కొత్తేం కాద‌ని ఆయ‌న అనుచ‌రులు కొంద‌రు చెబుతుంటే.. మ‌రికొంద‌రు భ‌క్తులు ఆగ్ర‌హం వ్య‌క్తం చేస్తున్నారు. ప్ర‌స్తుతం క‌న్న‌డ నాట తీవ్ర సంచ‌ల‌నంగా ఈ వీడియో వ్య‌వ‌హారం మారింది.