తెలుగు న‌టితో తెలుగు దేశం నేత‌ ఒకే క్యూలో... ఏంటి క‌థ ?

ఇది అసలే సోషల్ మీడియా కాలం. సోష‌ల్ మీడియాలో అక్కౌంట్ ఉన్న ప్ర‌తి ఒక్క‌రూ ఒక ఇన్వెస్టిగేటివ్ జ‌ర్న‌లిస్టే. పైగా ప్ర‌పంచంలో ఏ మూల‌కు వెళ్లినా తెలుగు వాడు క‌న‌ప‌డ‌ని ప్లేసు ఉండ‌దంటే ఆశ్చ‌ర్య‌పోవాల్సింది ఏం లేదు. తెలుగు సెల‌బ్రిటీలు ఎక్క‌డికెళ్లినా మ‌నోళ్లు గుర్తుపట్టేస్తున్నారు. జియో పుణ్య‌మా అని ఠ‌క్కున ఇంట‌ర్నెట్‌కి చేరుతున్నాయి. ఏమరుపాటుగా ఉంటే అంతే సంగతులు. తాజాగా ఒక తెలుగుదేశం నాయ‌కుడికి కూడా ఇలాంటి చేదు అనుభ‌వ‌మే ఎదురైంది.

ఈ మధ్య ఇలాగే కాస్టింగ్ కౌచ్ వివాదంలో ఒక నిర్మాత కొడుకు ఎంత రచ్చ చేసుకున్నాడో కళ్ళారా చూసాం. అయినా మాకేంలే అనుకుంటే ఎలాంటి చిక్కులు వస్తాయో తెలుసుకోవాలి అంటే ఫై ఫోటోలే సాక్ష్యం. అందులో బ్ల‌ర్ అయ‌న మ‌హిళ పాపుల‌ర్ టాలీవుడ్ ఆర్టిస్ట్‌. తెల్ల‌చొక్కాలో క‌నిపిస్తున్న వ్య‌క్తి కృష్ణా జిల్లాకు చెందిన తెలుగుదేశం నాయ‌కుడు. వారిద్ద‌రూ క‌లిసి బ్యాంకాక్ ఎయిర్‌పోర్టులో వీసా ఆన్ అరైవ‌ల్ క్యూలో ఒక తెలుగు వాడి కంట‌ప‌డ‌టంతో క్లిక్ మ‌న్న ఫొటో ఇది. వీళ్ళిద్దరూ ప‌క్క‌పక్క‌నే క‌న‌ప‌డ‌టంతో ఈ ఫొటో ఇంట‌ర్నెట్‌లో వైర‌ల్ అయ్యింది. అస‌లే ఈ ఫొటోలోని తెలుగుదేశం నేత త‌ర‌చూ మ‌హిళ‌ల మీద చుల‌కన‌గా కామెంట్లు చేస్తుంటారు. అలాంటాయ‌న ఒక న‌టితో క్యూలో - అది కూడా శృంగార రాజ‌ధాని అయిన బ్యాంకాక్‌ లో క‌నిపించ‌డంతో ఈ పిక్ వైర‌ల్ అయ్యింది.

అస‌లే ఈ మ‌ధ్య అమ్మాయిలు, క్యాస్టింగ్ కౌచ్ వంటి విష‌యాలపై హాట్ హాట్ చ‌ర్చ‌లు న‌డుస్తున్న నేప‌థ్యంలో ఈ ఫొటో మ‌రింత హాట్ టాపిక్ అయ్యింది. ఇలాంటి వార్తలు మళ్లీ అలాంటి వివాదాక‌లు అగ్నికి ఆజ్యం పోసేవే. ఇక్కడ ఉన్న అధికార పార్టీ నాయకుడు - ఆ వ‌ర్ద‌మాన‌ నటి యాక్సిడెంటల్ గా అక్కడ కనిపించి ఉండచ్చు కాని జ‌నం మాత్రం ఎవ‌రికి వాళ్లు త‌మ‌కు న‌చ్చిన క్యాప్ష‌న్లు పెడుతూ ఫొటోను షేర్ చేసుకుంటున్నారు. అస‌లే ప్ర‌త్య‌ర్థిది ఏం పాయింటు దొరుకుతుందా ఆడుకుందామా అని ఎదురు చూసే హార్డ్ కోర్ ఫ్యాన్స్ సోష‌ల్ మీడియాలో కుప్ప‌లు తెప్ప‌లుగా ఉన్న‌పుడు ఇలాంటిది ఒక్క‌టి దొరికినా ద‌బిడిదిబిడే.