తెలుగు తమ్ముళ్ల న్యూఇయర్ లుంగీ డ్యాన్స్‌!

న్యూఇయర్ సెలబ్రేషన్స్ కి ఉన్న ప్రత్యేకతే వేరు. గడిచిపోయిన సంవత్సరానికి - రాబోతున్న నూతన సంవత్సరానికి మధ్య వారధిగా ఉన్న డిసెంబరు31 రాత్రి అంటే అందరికీ చాలా స్పెషల్. న్యూఇయర్ సెలబ్రేషన్స్ అంటూ ఆ రాత్రి మొదలైన సంబరాలు కొత్త ఏడాది 1వ తేదీ వరకూ ఘనంగా కొనసాగుతుంటాయి. ఈ సంబరాల్లో ఎలాంటి తారతమ్యాలు లేకుండా అంతా ఎవరిస్థాయిలో, ఎవరి స్టైల్లో వారు పాల్గొని ఆనందోత్సాహాల మధ్య పాత ఏడాదికి బాయ్ బాయ్ చెప్పి కొత్త సంవత్సరాన్ని ఆహ్వానిస్తుంటారు. ఆ సంగతులు అలా ఉంటే... ఈ న్యూఇయర్ సెలబ్రేషన్స్ లో తెలుగు తమ్ముళ్ల హడావిడికి సంబందించిన తాజా వీడియో ఒకటి వెలుగులోకి వచ్చింది.

న్యూఇయర్ మజా సెలబ్రేషన్స్ సమయాన్ని తమకు అనుకూలంగా మార్చుకున్న కొందరు టీడీపీ నేతలు... ఓ వైపు లుంగీ డ్యాన్స్ - మరోవైపు గంగనం స్టైల్ స్టెప్పులతో హంగామా చేశారు. న్యూ ఇయర్ సెలబ్రేషన్స్ లో భాగంగా ప్రకాశం జిల్లా కనిగిరిలో నిర్వహించిన వేడుకల్లో స్టేజీపై మహిళా డ్యాన్సర్లతో కలిసి తెలుగుదేశం పార్టీ మండలాధ్యక్షుడు పుల్లారెడ్డి - కనిగిరి మున్సిపల్‌ ఛైర్మన్‌ చినమస్తాన్‌ చిందులేశారు. ఈ వీడియో ప్రస్తుతం ఆన్ లైన్ లో హల్ చల్ చేస్తుంది. మరో విశేషం ఏమిటంటే... ఆ సమయంలో ఒక టీడీపీ ఎమ్మెల్యే కూడా అక్కడే ఉన్నారు! ఎంత న్యూ ఇయర్ సెలబ్రేషన్స్ అయితే మాత్రం నేతలే ఇలా స్టేజి పైకి ఎక్కి మహిళలతో డాన్స్ చేయడంపై సర్వత్రా విమర్శలు వినిపిస్తున్నాయి!



Like Us on Facebook : https://www.facebook.com/Tupakidotcom/