Begin typing your search above and press return to search.
గుడ్ల‌గూబ‌ల కోసం తెలంగాణ నేత‌ల వెతుకులాట
By: Tupaki Desk | 4 Dec 2018 9:25 AM GMT
విజ‌యం సాధించాలి. అసెంబ్లీలో అడుగుపెట్టాలి. ఐదేళ్లు అధికారంలో ఉండాలి. తెలంగాణ ముంద‌స్తు ఎన్నికల్లో పోటీ చేస్తున్న నేత‌లంద‌రి ఆకాంక్ష ఇదే. ఇందుకోసం వారంతా తీవ్రంగా శ్ర‌మిస్తున్నారు. శ‌క్తివంచ‌న లేకుండా పోరాడుతున్నారు. ప్ర‌చార ప‌ర్వంలో భాగంగా ప్ర‌జ‌ల్లోకి దూసుకెళ్తున్నారు.
అభ్య‌ర్థుల్లో చాలామంది స్వ‌శ‌క్తిని - త‌మ పార్టీ బ‌లాల‌ను - అంగ‌బ‌లం- అర్థ‌బ‌లాన్ని న‌మ్ముకుంటున్న‌ప్ప‌టికీ కొందరు మాత్రం మూఢ‌న‌మ్మ‌కాల బాట‌ప‌డుతున్న‌ట్లు తెలుస్తోంది. క్షుద్ర‌పూజ‌ల‌ను కూడా జ‌రిపిస్తున్న‌ట్లు స‌మాచారం అందుతోంది. ప్ర‌త్య‌ర్థుల‌ను దెబ్బ‌తీసేందుకు - వారి నుంచి అదృష్టాన్ని దూరం చేసేందుకు ఈ పూజ‌లు ఉప‌యోగ‌ప‌డ‌తాయ‌ని భావిస్తున్న‌ట్లు తెలుస్తోంది.
అస‌లేం జ‌రిగిందంటే.. కర్ణాటకలోని సేడం పట్టణంలో ఇటీవల కొందరు వేటగాళ్లు రెండు గుడ్లగూబలను అక్రమ రవాణా చేస్తూ పట్టుబడ్డారు. విచారణలో వారు వెల్లడించిన విషయాలను విని పోలీసులు అవాక్కయ్యారు. తెలంగాణ ఎన్నికల్లో పోటీచేస్తున్న ఓ అభ్యర్థి ఈ గుడ్లగూబలు కావాలని తమను పురమాయించారని వారు చెప్ప‌డ‌మే అందుకు కార‌ణం. క్షుద్ర పూజ‌లు జ‌రిపించి గుడ్ల గూబ‌ల‌ను బ‌లిస్తే ప్ర‌త్య‌ర్థుల‌కు కీడు జ‌రుగుతుంద‌న్న‌ది వారి విశ్వాస‌మ‌ని కూడా నిందితులు చెప్పార‌ట.
ఒక్కో గుడ్ల గూబ‌ను తెలంగాణ నేత‌లు రూ.3-4 ల‌క్ష‌లు పెట్టి కొనుగోలు చేస్తున్నార‌ని కూడా వివ‌రించార‌ట. ఇప్ప‌టికే చాలా గుడ్లగూబలను తెలంగాణ‌కు త‌ర‌లించామ‌ని కూడా చెప్పార‌ట. క్షుద్ర‌పూజ‌లు, మూఢ న‌మ్మ‌కాల‌ను విశ్వ‌సించే ఇలాంటి నేత‌లు అధికారంలోకి వ‌స్తే ప్ర‌జ‌ల ప‌రిస్థితి ఎలా ఉంటుందో ఇక ప్ర‌త్యేకంగా చెప్ప‌న‌క్క‌ర్లేదు!
అభ్య‌ర్థుల్లో చాలామంది స్వ‌శ‌క్తిని - త‌మ పార్టీ బ‌లాల‌ను - అంగ‌బ‌లం- అర్థ‌బ‌లాన్ని న‌మ్ముకుంటున్న‌ప్ప‌టికీ కొందరు మాత్రం మూఢ‌న‌మ్మ‌కాల బాట‌ప‌డుతున్న‌ట్లు తెలుస్తోంది. క్షుద్ర‌పూజ‌ల‌ను కూడా జ‌రిపిస్తున్న‌ట్లు స‌మాచారం అందుతోంది. ప్ర‌త్య‌ర్థుల‌ను దెబ్బ‌తీసేందుకు - వారి నుంచి అదృష్టాన్ని దూరం చేసేందుకు ఈ పూజ‌లు ఉప‌యోగ‌ప‌డ‌తాయ‌ని భావిస్తున్న‌ట్లు తెలుస్తోంది.
అస‌లేం జ‌రిగిందంటే.. కర్ణాటకలోని సేడం పట్టణంలో ఇటీవల కొందరు వేటగాళ్లు రెండు గుడ్లగూబలను అక్రమ రవాణా చేస్తూ పట్టుబడ్డారు. విచారణలో వారు వెల్లడించిన విషయాలను విని పోలీసులు అవాక్కయ్యారు. తెలంగాణ ఎన్నికల్లో పోటీచేస్తున్న ఓ అభ్యర్థి ఈ గుడ్లగూబలు కావాలని తమను పురమాయించారని వారు చెప్ప‌డ‌మే అందుకు కార‌ణం. క్షుద్ర పూజ‌లు జ‌రిపించి గుడ్ల గూబ‌ల‌ను బ‌లిస్తే ప్ర‌త్య‌ర్థుల‌కు కీడు జ‌రుగుతుంద‌న్న‌ది వారి విశ్వాస‌మ‌ని కూడా నిందితులు చెప్పార‌ట.
ఒక్కో గుడ్ల గూబ‌ను తెలంగాణ నేత‌లు రూ.3-4 ల‌క్ష‌లు పెట్టి కొనుగోలు చేస్తున్నార‌ని కూడా వివ‌రించార‌ట. ఇప్ప‌టికే చాలా గుడ్లగూబలను తెలంగాణ‌కు త‌ర‌లించామ‌ని కూడా చెప్పార‌ట. క్షుద్ర‌పూజ‌లు, మూఢ న‌మ్మ‌కాల‌ను విశ్వ‌సించే ఇలాంటి నేత‌లు అధికారంలోకి వ‌స్తే ప్ర‌జ‌ల ప‌రిస్థితి ఎలా ఉంటుందో ఇక ప్ర‌త్యేకంగా చెప్ప‌న‌క్క‌ర్లేదు!
