పోలీసుల ముందు మహిళ టిక్ టాక్..వైరల్

గణేష్ నిమజ్జనం అదీ.. పైగా అత్యంత రద్దీగా ఉండే హైదరాబాద్.. రాచకొండ పోలీసులు గట్టి బందోబస్తు చేస్తున్నారు. అప్పుడే ఆ పోలీసుల ముందుకు వచ్చింది ఓ మహిళ.. సెల్ ఫోన్ ఆన్ చేసి పాట పెట్టి టిక్ టాక్ వీడియో తీసింది. అనంతరం పోలీసులు జీపు వద్ద కూర్చొని ఉండగా వారి పక్కకు వెళ్లి మరీ మరో నాటీ పాట ‘చందమామ కన్నుకొట్టే చందవేళ’తో తన టిక్ టాక్ వీడియో తీసుకోవడం విశేషం.

దాదాపు 30 ఏళ్లకు అటుఇటుగా ఉండే సదురు లేడీ చేసిన ఈ పనిని పక్కనే ఉన్న పోలీసులు అడ్డుచెప్పకపోవడం విశేషం. పైగా తమముందే మహిళ ఇలా టిక్ టాక్ వీడియోలు చేస్తున్నా అభ్యంతరం చెప్పకుండా దాన్ని చూస్తూ పోలీసులు ఎంజాయ్ చేయడం విశేషం.

సదురు మహిళ మాత్రం రాచకొండ పోలీసుల చెంతకే వచ్చి ఎలాంటి బెరుకు లేకుండా హల్ చల్ చేస్తూ టిక్ టాక్ వీడియోలు తీసుకుంది. ఇంత చేస్తున్నా ఆమెను వారించకుండా పోలీసులు ఎంజాయ్ చేయడం మొదలుపెట్టారు. ఆమె ఎవరు? ఎందుకిలా చేసిందో తెలియదు కానీ.. పోలీసుల ఎదుటే వారి పక్కన ఇలా టిక్ టాక్ వీడియో తీసి సోషల్ మీడియాలో వదిలింది.. గణేష్ నిమజ్జనోత్సవాల సందర్భంగా చోటుచేసుకున్న ఈ వీడియో ఇప్పుడు సోషల్ మీడియాలో విపరీతంగా వైరల్ అవుతోంది. మహిళ చేసిన పనికి కొందరు నెగెటివ్ గా.. మరికొందరు పాజిటివ్ గా స్పందిస్తున్నారు.