పోయిపోయి అక్కడే పడలా..! సిక్స్​ కొట్టిన బంతి బీర్ ​గ్లాసులో..

ఒక్కోసారి క్రికెట్​ ఆటలో ఫన్నీ ఘటనలు జరుగుతూఉంటాయి. ఇటువంటి ఘటనలతో అభిమానులకు, టీవీ ప్రేక్షకులకు ఫుల్​ కాలక్షేపం. బ్యాట్స్​మన్​ కొట్టిన బంతి స్టేడియం దాటిరోడ్డు మీద పడటం మనం చూస్తూ ఉంటాం. వాటిని తీసుకొనేందుకు కూడా కొందరు అభిమానులు ఎదురుచూస్తూ ఉంటారు. తాజాగా ఆస్ట్రేలియాలోనూ అటువంటి ఘటనే ఒకటి జరిగింది. బ్యాట్స్​మన్​ కొట్టిన బంతి స్టేడియం దాటి బయట బీర్​తాగుతున్న ఓవ్యక్తి గ్లాస్​లో పడింది.

అయితే సదరు వ్యక్తి మాత్రం ఆ బీర్​ అలాగే తాగిన తర్వాతే బంతిని ఇచ్చాడు. ప్రస్తుతం ఆస్ట్రేలియాలో బిగ్‌బాష్‌ లీగ్-10వ సీజన్‌ జరుగుతోంది. అక్కడ డేవిడ్ మలాన్ అనే ఇంగ్లండ్​ జట్టు క్రికెటర్ కొట్టిన బంతి నేరుగా వెళ్లి సిక్సు బౌండరీ అవతల పడింది. అయితే అది వెళ్లి ఓ యువకుడి బీర్‌ కప్‌లో పడింది. గ్లాసు ఒలకబోసి బాల్ ఇవ్వమని అంటే నో చెప్పి బీర్ తాగాకే బంతి తీసి ఇచ్చాడు.

జనవరి 2 శనివారం హోబర్ట్‌ హరికేన్స్‌-మెల్‌బోర్న్‌ స్టార్స్‌ మధ్య జరిగిన మ్యాచ్‌ లో ఈ ఘటన జరిగింది. అయితే ఇందుకు సంబంధించిన వీడియో ప్రస్తుతం వైరల్​గా మారింది.
ఈ మ్యాచ్​లో హోబర్ట్‌ హరికేన్స్‌ బ్యాటర్‌ డేవిడ్‌ మలాన్‌ వీరోచిత ఇన్నింగ్స్‌ ఆడాడు. 56 బంతుల్లో 7 ఫోర్లు, 3 సిక్స్‌లతో 75 పరుగులు బాదేశాడు.