లేడీ డాక్టర్ పై కన్నేశాడు.. ఆమె కారుకు జీపీఎస్ పెట్టేశాడు

ఆమె ఒక వైద్యురాలు. ఆసుపత్రిలో పని చేస్తోంది. పేషెంట్ గా వచ్చినోడు ఆమెపై కన్నేశాడు. అంతే.. అప్పటివరకు హాయిగా సాగుతున్న ఆమె జీవితం నరకంగా మారింది. అతగాడి వేధింపుల పర్వం అవాక్కు అయ్యేలా చేస్తుంది. అతడి తీరుతో విసిగిపోయిన ఆమె తాజాగా జూబ్లీహిల్స్ పోలీస్ స్టేషన్ లో కంప్లైంట్ చేసిన ఆమె.. అందులో పేర్కొన్న అంశాల్ని చూస్తే షాక్ తినాల్సిందే.

జుట్టు రాలిపోతున్న సమస్యకు పరిష్కారం కోసం ఆసుపత్రికి వెళ్లిన విశ్వనాథ్ అనే వ్యక్తి తనతో స్నేహం చేయాలంటూ ఆ లేడీ డాక్టర్ ను బలవంతం చేశాడు. ఆమెకు దగ్గరగా ఉండాలన్న ఉద్దేశంతో ఆమె నివసిస్తున్న అపార్ట్ మెంట్లో ప్లాట్ ను వేరే పేరుతో అద్దెకు తీసుకున్నాడు. ఆమెతో అసభ్యంగా ప్రవర్తించటం మొదలు పెట్టాడు. ఆమె కొడుక్కి బొమ్మలు లాంటివి బహుమతులుగా ఇస్తూ ఆకర్షించే ప్రయత్నం చేశాడు.

అంతేకాదు.. ఆమెను నీడలా వెంటాడేందుకు ఆమె కారుకు జీపీఎస్ (గ్లోబల్ పొజిషనింగ్ సిస్టమ్) పరికరాన్ని పెట్టాడు. ఆమె కొడుక్కి తల్లి గురించి తప్పుడు మాటలు చెప్పేవాడు. దీంతో.. ప్లాట్ ఖాళీ చేయటంతో పాటు.. వేరే ఆసుపత్రిలో జాబ్ చేరింది. అయినప్పటికీ ఆమెనున వదలని విశ్వనాధ్.. కొత్తగా వెళ్లిన ఇంటికి దగ్గర్లో ఇల్లు తీసుకున్నాడు. ఆమె కొడుకును తన దగ్గర వదలాలని.. లేదంటే చంపేస్తానని బెదిరించాడు.

దీంతో.. అతడి వేధింపులు భరించలేని ఆమె భర్తకు విషయాన్ని చెప్పింది. దీంతో.. విశ్వనాథ్ ను హెచ్చరించేందుకు వెళ్లగా.. తన స్నేహితులతో డాక్టర్ భర్తను రివర్సులో బెదిరించాడు. దీంతో.. సదరు లేడీ డాక్టర్ జూబ్లీహిల్స్ పోలీసుల్ని ఆశ్రయించి తాను పడుతున్న ఇబ్బంది గురించి కంప్లైంట్ చేశాడు. కేసు నమోదు చేసిన పోలసీులు.. దర్యాప్తు చేస్తున్నారు.